النهاردة وانا ماشية في الشارع كان في ستتين ( 2 ستات يعني ) وبنت ( تقريباً في ثانوي ) واقفين جنب عربية كده أو ساندين عليها ، أنا مخدتش في بالي .. عادي يعني ناس واقفة .. وفجأة
هوووب ولقيت واحدة ست من الاتنين وقعت ع الأرض بحالها كلها يعني مش نص واقعة .. لأ نامت ع الأرض بحالها وسمعتها بتقول للست التانية ( وانا معدية من جنبهم ) - أوطي على رجلك أبوسها - وبعيااااط
أنا ذهلت !!!!!!!!!!!!!!!؟؟؟؟؟؟؟؟؟؟؟؟؟؟؟؟؟
هو في إيه ؟؟؟؟؟؟؟؟؟؟؟؟؟
وراحت معدولة ع الأرض ومربعة ولسه بتعيط وبتقول : أعمل ايه تاني ؟ ألم الناس علي ؟
والست التانية بتقولها : يعني ينفع كده يعني ؟ والبنت بتقولها : خلاص يا ماما
وانا بقى لما لقيت الموقف كده .. رحت واخدة بعضي وجارية .. لأ يعني مشيت بسرعة زيادة حسيت ان هم طبعاً محرجين ان في حد شاف الذل ده وكمان حسيت بالإحراج أكتر لأني شفت موقف زي ده
بس قعدت أفكر .. معقول في أي حاجة في الدنيا تخلي الواحد يعمل كده ؟؟
ياترى ايه المصيبة اللي تخلي واحد يبوس رجل التاني قدام الناس كده في الشارع .. مش عارفة
ربنا يستر وميكتبهاش على حد أبداً
34 comments:
هو الذل موجود في كل مكان
بس في حالتنا هنا باين ان الست دي الذل قهرها
وخلاص مش فارق معاها كرامة ولا غير كرامة
انا مش بستغرب ازاي الست دي تهين نفسها كده
انا بستغرب على الهانم
اللي اكيد شايفة الذل في عين اللي قدامها ومش هامها
اللي زي دي فقدوا اداميتهم خلاص
حتى لو الست المقهورة دي كانت غلطت في حاجة
او هي اللي اصلا غلطانة
يعني اتمسكت بتسرق او بتعمل حاجة غلط
برده ازاي انسان يرضى بزل ومهانة انسان تاني
حتى لو الانسان التاني رضيها لنفسه
نوع من القهر
مستخبى ورا كلمة
ممكن تهدم بيوت
والست ضحت بكرامتها عشان
تخلى البيوت واقفة وسط المشاكل
النوع دة بشوفة كتير
وبصراحة مش بقدر اعمل غير اللى انتى عملتية
مش عارفة
بس انا مش ممكن يجيلى يوم واترمى تحت رجل حد
مش عارفة حاجة صعبة جدا
جدا
بجد وجعتيلى قلبى
شادي
أكيد الذل موجود في كل مكان وبصراحة كان باين على الست قهرتها قوي لأنها قعدت في الأرض وكملت بكاء حتى مجاش لها القوة انها تقوم تقف على رجليها تاني
وفعلاً حسيت ببرود في الست التانية اللي واقفة .. المفروض مترضاش بالذل ده لحد عشان ربنا ميقدرهوش ليها ولا لحد من حبايبها
بس أديك قلت المفيد .. ازاي انسان يرضى .. مش ده لو إنسان؟
-------------------------
مش فاهم
هو أكيد في حاجة جامدة ممكن تهدم بيوت فعلاً خلت الست تضحي بكرامتها بالدرجة دي
ياريتنا نقدر نعمل حاجة أكتر من ان احنا نجري وبس
------------------------
الوردة السوداء
أنا فعلاً لما فكرت في الموقف قلت لنفسي أكيد انا مش هقدر اعمل كده في يوم من الأيام بس تخيلت برده هل لو في حاجة كبيرة او مصيبة عظيمة يتطلب حلها اني اعمل كده .. هل هعمل كده ؟
بجد قلبي وجعني أكتر
شكراً على زيارتك يا وردة ومنوراني ومعلش اذا كنت وجعتلك قلبك بس انا حكيت الموقف زي ما حصل بالضبط
على فكرة يا شمس انت عسل جداً
هههههههه
لو أنا منك كنت وقفت شوفت ايه السبب اللي خلا الست دي تعمل كده
هو الذل ده أسوأ حاجة ده احنا ممكن نبيع عمرنا علشان كرامتنا
ده على طول بندعي ربنا انه ميفضحناش وميذلناش
ربنا يستر
بس واضح انك صاحبة قلب رقيق مستحملتيش
انا ممكن أكون برده كده
حاجة زي كده ممكن تخليني اعيط أصلاً
على فكرة تعليقك وصل مدونتي وانا قاعد عالنت يعني حصل تماس عن طريق الصفحات
طبعاً أنا مقدر وضعك ويا ستي مش ضروري تيجي علشان أحس بوجودك أعتبري نفسك جيتي وهيصتي معانا كمان ولا يهمك
انا لو قدرت أجيب الأكاديمية والحفلة والمعهد كله لحد عندك أعملها
احنا صدقيني الخسرانين لأنك مش هتيجي
بس انت منين بقى؟؟
يا ريت تكوني من المنصورة أصلها مسقط رأسي وبحبها قوي وبناتها حلوين
:)
ولا يهمك يا جميل وانا متشكر جداً لأنك متابعاني وزعلي يهمك وبجد انت كمان وجودك يهمني
بس الظروف حكمت بس اعتبري نفسك موجودة
سلام
انت ممكن تقري التعليق ده دلوقتي انا عارف لأننا الآن متصلين مباشرة من غير ما نحس
:)
hima_mohsen@hotmail.com
...........@yahoo.com
إختاري اللي انت عاوزاه منهم وضيفيني عندك لو تحبي
انا أحب بصراحة اننا نبقى اصحاب أكتر
اوك
منتظر
سلام
موقف صعب
والاسباب فى الوقت الحاضر كتير
ربنا يصلح الحال للجميع
تحياتى
احساس صعب و موقف صعب
الواحد مش بيقدر يستحمل الحاجات دي
thanks for you work and have a good week
يتلقّى [أبتريغدو] لعملك وأسبوع جيّدة
إبراهيم
أنا فعلاً كنت شوية وهعيط بس مخي بقى قعد يودي ويجيب ايه السبب ايه السبب وبعدين بطلت وقلت لنفسي ربنا ما يكتبها على حد ويفكها ع الست دي
وعموماً أنا مش من المنصورة بس انت قربت وشكراً اوي على ذوقك
--------------------------
tamer
فعلاً الأسباب كتير دلوقت والذل وقلة الكرامة بقت مستنيانا عند كل ناصية والبركة في اللي كان السبب طبعاً(wink)وربنا يسترها وشكراً على مرورك
----------------------------
بني آدم
الإحساس بالذل والمهانة ده صعب جداً والأسوأ إنك تشوفه قدام عينيك والموقف كان صعب جداً علي لأني شفته بيحصل من الأول والله افتكرتها وقعت عشان تعبانة ولا حاجة بس لقيت الاتنين اللي حواليها منزلوش لحقوها ده اللي خلاني أستغرب وبعدين سمعت اللي سمعته
--------------------------
mr.david
thnx 4 passing by mr.david , but who is "abtregdo" ? sorry, i didn't understand the arabic line
لا حول ولا قوة الا بالله..الدنيا مليانة بلاوي يا بنتي
اهو ده موقف يخليكي تفكرى انك الحمد لله احسن حالا من ناس كتير
الحمد لله يا رب..دحنا فعلا جاحدين
تسلمي يا شمس..شكرا على العبرة الصباحية دي
ياه حقيقي مشهد صعب اوي ؛
بس هو علي الحاجات اللي تذل كتيييييييير ؛ يا رب الواحد ما ايمانه بربنا يضعف ابدا و يخليه يخاف او يتذل لحد ابدا
وحشتيني انا رجعت
اللي يعيش ياما يشوف.واللي يشوف يعرف.يمكن ماصدفناش ناس كده او حصلنا كده لحسن الظروف لكن فيه كتير مواقف و ظروف مع الجبن و الضعف و الحاجه بتخلي الواحد يزل نفسه او يطاطي عشان الحاجه دي.و فيه ممكن يموتوا ولا انهم يحطوا نفسهم في موقف زي ده.بس فيه حاجه لو نعرف حد كده ليه مانسعدهوش لو في ايدينا المساعده حتي لو مش مادية و هي في الاغلب بتبقي كده.بدل مايوصل بيه الأمر انه يعمل حاجه زي دي..تحياتي..
WE GO TO CONTINUE TO EXCEED THE BARRIER OF THE LANGUAGE, SO THAT BUSH AND OTHER TERRORISTS NOT TO CONTINUE LIE
لقد أن تنتهي مع باري لغات منها بوش وغيره من الارهابيين لا تزال تكمن
بصراحه موقف فظيع ده غير انه على الملاء يعنى الست مش مذلوله وبس لا مفضوحه كمان وفعلا الدنيا مليانه بلاوى
بس انا مستغربش من الى بتعمل كده اد منا مستغربه من الى سايباها توطى على رجلها من غير متحوشها ...يعنى لو هى غلطانه لازم تسامحها بعد منزلت على الارض كده عشان ترضيها ولو مش غلطانه وليها عندها خدمه او حاجه يبقى ايه الجباروت الى بقينا فيه ده
وربنا يسترها معانا كلنا
يا بخت من قدر وعفى وسامح
بصرف النظر عن اللى عملته الست التانية
:(
اه فعلا والله مفيش اسوء من الذل وان الواحد يعيش بغير كرامته او يتعرض لاى موقف يذله كده ربنا يستر علينا يا رب
برينسس
ازيك يا برينسس
الحمد لله احنا أحسن حالاً من غيرنا فعلاً ولازم نحمد ربنا على كده
يللا أي خدمة ع الصبح كده
----------------------
كوكاوي
حمد الله ع السلامة يا كووووووووكو يا كمييييل
وحشتني صوصوتك يا كميل
شفت الذل اللي في الدنيا ممكن يخلي الواحد يعمل ايه .. يارب يحفظنا يارب
lockash
لو في إيدينا المساعدة أكيد هنساعد بس المشكلة في المواقف دي انها بتبقى محرجة اوي اوي لدرجة اني بجد مقدرتش امشي براحة عشان إحراجي وإحراجهم ميزيدش
وأنا أول مرة اشوف موقف زي ده ولما فكرت شوية قلت طب انا من انهي نوع ؟ هل لو حصلي موقف زي ده هبقى من النوع اللي يقبل الذل عشان يحل المشكلة ولا اموت ومتذللش كده ولا ده هيكون على حسب نوع وحجم المصيبة ؟؟؟؟
لا لا لا ربنا ما يكتبها على حد خااااااالص يا لوكاش
-----------------------
mr.david
God help u mr.david , i courage that , we all want Bush and his gang to stop lying
thnx 4 stopping by
-----------------------
shayma
وعلني كدهو يا أختي .. أكتر حاجة نرفزتني اوي يا شيماء هو موقف الست اللي انت خدت بالك منه ده .. هي فعلاً ما نزلتش وراها ولا قومتها .. جبارة
ربنا يعافينا ويسترها معانا
---------------------
مودي
فينك يا مودي من زمان ؟؟؟؟؟
يارب تكون سامحتها وقدرت الموقف اللي هي فيه بغض النظر عن أي حاجة تانية
---------------------
إمام الجيل
ربنا يسترها علينا يارب ونفضل عايشين بكرامتنا ومتجيش حاجة تذلنا أبداً ولا تذل حد من أهلنا وحبايبنا لحسن مجرد اني شفت الموقف ده بس اتضايقت قوي قوي حتى لو معرفهاش .. اصله مكانش ذل عادي الواحد مياخدش باله منه لأ .. كان صعب اوي
شكراً على مرورك ومدونتي نورت بيك
الذل ياه انتى نسيتى ان فيه 75 مليون مذلول فى بلدك كلهم بيوطوا يبوسوا لا مش بيبوسوا بس لأ بيلحسوا التراب كمان عشان يعيشوا الست دى صورة مصغرة لابناء بلدك ليس الا
فى بلدك كلنا بنرفع شعار واحد
ليه تتذل اكتر مدام ممكن تتذل اقل
من غير ما اوطى ابوس رجلك ابقى شرفينى فى مدونتى
regards
فيه بني ادمين الذل عندهم هوايه
سوري انا غلطت
فيه ناس مش بني ادمين الذل عندهم هوايه
يبقي مبسوط قوي لما يحس انه متحكم في انسان
عامه كله بيتسجل عند ربنا مفيش حاجه بتروح ولا صغيره ولا كبيره
مهما كانت الظروف اللى اتحطت فيها الست دى ده ما يدهاش الحق انها تركع لحد غير الله عز وجل
لكن برضو نرجع ونقول كل بنى ادم وله ظروفه واكيد هى وراها حكايه كبيره
ربنا يستر على عباده وما يحطش حد فى مكانها ابدا
بين قوسين
وحشتينى جداااااااااااا يا شموسه
la2 sa3b kda awe :(((
7araam bgad
ana bakrah kda :(((
الله اعلم بموقف الست بصراحة
انتي متعرفيش هي مشكلتها ايه
اكيد مش حاجة بسيطة
لكن الشئ الصعب موقف المرأةالاخري
التي قبلت ان الست توطي تبوس رجلها
سبحان الله
ده الواحد اما حد بيعتذرله بيتكسف منه
صحيح جبروت
خليك متاكد ان مفيش لسه حاجه في الدنيا جات ولا هاتيجي تخلي حد يذل لحد
لا بالطريقه دي ولا باي طريقه تانيه
انتي نسيتي حاجه
لا اله الا الله
بس
بجد شيئ صعب جدا المنظر اللي انت شوفتيه دا اكيد الست دي اللي فيها مش قليل والذل شيئ صعب ومهين وناس كتير عندها هموم ربنا وحده اللي يعلم بيها, ربنا يستر ويعز المسلمين.
mlame7.blogspot.com
والله يا شمس الناس الايام دى بقت وحوش
بجد , الواحد بقى بيخاف من اى حد
الرحمة اتنزعت من قلوب الناس
الناس معدتش بتفكلر فى الموت او الحساب او ان فيه رب للكون , هيحاسب الكل
مدونتك جميلة
وياريت تزورى مدونتى البسيطة
www.amoghazy.blogspot.com
شموسة
ليكى عندى تاج يا جميل فى اخر بوست
وابقى اقرى الى قبله
فى سكتك يعنى
:)
يلا سلام
اصعب حاجه على الانسان الذل
بجد صعب اوى
انا لما تخيلت الموقف ده بجد حسيت انى مخنوقه جدا
انا مفيش حاجه ممكن تخلينى اتخنق زى انى اشوف حد مذلول
ربنا مش يكتبها على حد
يوسف
الشعار ده أنا أول مرة أسمعه منك دلوقت "ليه تتذل أكتر لما ممكن تتذل أقل" بس له معنى كبير قوي وانت عندك حق في الكلمة دي الصراحة مادام احنا راضيين بالذل نبقى نستاهل
بس ازاي وامتى ييجي الوقت عشان يتحركوا ويقولوا كفاية ذل ؟ ده معناه ان هم راضيين (بصفة عامة) وتيجي تتكلم على موقف واحد يقولك انا مرضاش الذل ده
حاجة غريبة يا أخي
شكراً على مرورك يا يوسف
وأكيد هبقى أجي مدونتك .. شكلك دمااااااغ
-----------------------------
3lool
حقيقي اللي الذل عندهم هواية دول مش بني آدمين وحسابهم عند ربنا .. جبروت صحيح وربنا مبينساش حاجة
----------------------------
shikoooooooo
حمد الله ع السلامة يا شيكووو نورت بيتك ومطرحك وحشتيني أوي انت كمان
هو صحيح طبعاً ان مفيش حد يركع لغير الله عز وجل وسؤال غير الله مذلة بس اللي انا متأكدة منه فعلاً زي مانت قولت ان الست دي وراها حكاية كبيرة قوي بس خيالي مساعدنيش عشان أخمن ايه اللي ممكن يخلي واحدة زيها تعمل كده
ربنا ميحطش حد خاااااااالص في الموقف ده أبداً .. وجيالك حالاً
-------------------------------
mony
ومين سمعك يا موني هو فعلاً ده صعب قوي خصوصاً لما تشوفيه بيحصل قدام عينيك .. حرااااااام
----------------------------
amr
هو طبعاً أكيييد الست دي مشكلتها مش سهلة ومش حاجة بسيطة بس أنا انترفزت أكتر لما لقيت الست مش بتوطي وراها تمنعها من انها توصل لرجلها .. زي ماتكون مستمتعة بالموقف القوي مع ان القوة هي العفو عند المقدرة
شكراً لزيارتك مدونتي يا عمرو
------------------------------
أحمد
لا إله إلا الله
هي أكيد عارفة الموضوع ده بس ساعتها أكيد برده نست كل حاجة ومفتكرتش غير مصيبتها مع إنها لو كانت لجأت لله كانت المشكلة اتحلت من غير ذل ولا إهانة
نورت المدونة يا أحمد
------------------------------
ملامح
هو صعب جداً وخصوصاً اني شفته مش اتحكالي وياما ناس مليانة هموم ومحدش بيعرف عنها حاجة وناس مزاج عندها تحكي للناس كلها على همومها مع إن ربنا مطلع على كل شي وعلى رأي المثل "اللي يشوف بلاوي الناس تهون عليه بلوته"
وأنا بقول آمين ربنا يستر علينا ويعز المسلمين
-------------------------
أحمد مغازي
الناس مبقتش تدور إلا على مصلحتها وبس .. صحيح ده مش عيب بس متوصلش لدرجة انها تقبل ذل حد تاني .. بقوا وحوش على رأيك
ربنا يصلح الحال وانا طبعاً هاجي مدونتك من غير ما تطلب
---------------------------
shyma
حاضر يا شيماء هاجي عندك قوام معلش اتأخرت عليك
سلاااااااام لغاية ما اجي
---------------------------
reemoo
شفت يا ريمو انت اتخنقت ازاي لمجرد انك تخيلتي الموقف أمال لو كنت شفتيه ع الهوا زي كده .. انا اتخضيت بجد والله افتكرتها تعبت فجأة ووقعت بس لما سمعت الكلام جريت قلت ازاي ده يحصل معقوووووووول!!!!!!!!! ربنا يستر
ربنا ما يكتب على حد اي موقف صعب من دول
بصراحة انا من النوع اللى بتكسف سلفا للشخص اللى قدامى
لإنى بحط نفسى مكانه
ومرضاش انى اكون فى موقف مخزي زي كده
لدرجة اننا فى بعض الاحيان بعمل نفسى مش واخد بالى من اللقطة دي لما تحصل مع حد أعرفه او كده
دهكله عشان ماجرحوش او يشوف نفسه قدامى فى وضع مؤلم ومزعج
ربنا يلطف بعبيده
خالص تحياتى
ودمتم جميعا بخير
وقع بيان المدونين للتضامن مع عبدالمنعم محمود
شارك بتوقيعك
أنشر البيان في كل مدونة تعرفها
ساهم في حرية المدونين .. وحرية منعم
http://free4monem.blogspot.com/
على فكره
في ناس لو حصل معاهم كوارث مش هيعملوا كده
وفي ناس مستعدين انهم يعملوا كده عشان اقل مصيبة
الفرق .. في الكرامة
ليكى عندى بقيت التاجات
حطى دول على الى قبل كده
واعمليهم بقى
:)
كلام لوجيك
آمين يارب ميكتبهاش فعلاً على أي حد سواء نعرفه أو منعرفوش
ده أنا فعلاً كنت محرجة من الموقف ده وانا معرفهمش فما بالك بقى لو اعرفهم وحسيت انهم محرجين أضعاف إحراجي عشان الناس معدية وشايفاهم وبعدين قلت ربنا يهون على الست دي المصيبة اللي هي فيها اكيد مخلياها مش حاسة باللي حواليها
ربنا يلطف بعبيده يارب
شكراُ لمرورك يا لوجيك
--------------------------
عبد الرحمن
أنا متضامنة مع حرية المدونين ده أكيد بس مازلت خايفة برده
بالنسبة للكرامة اكيد موجود منها عند كل واحد حتى عند الست دي فانا اكمني معرفش ايه المشكلة بقول اكيد هي اختارت انها تتنازل عن كرامتها بس بجد اختيار صعب اوي اوي
------------------------------
شيماء
أنا خليت الواجب يا أبلة
اديني ممتازة بقى
Post a Comment