كوكو الكميل بعتلي التاج ده وبنقوله متشكرين يا كوكو على الكولية والحلاوة والذي منه
هل كنت طالب شاطر في المدرسة؟
ايوة كنت شطورة اوي انظر الصورة أعلاه تتأكده من اللي بتقراه
ايه أكتر مادة حبيتها في المدرسة والكلية ؟
في المدرسة كان الإنجليزي ومازلت إلى الآن
أما في الكلية كانت أي حاجة تخص الكمبيوتر من قريب أو من بعيد
ايه أكتر مادة كرهتها في المدرسة والكلية ؟
أكتر مادة كرهتها في المدرسة الكيمياء الصراحة كانت المعادلات بتعملي وش في نافوخي
أما الكلية فكانت أي مواد ليها علاقة بالدش زي المواد التربوية
كنت عايز تطلع ايه وانت صغنن ؟
بصراحة وانا صغننة مكنتش فاهمة حاجة ولغاية دلوقت لسه مش فاهمة حاجة
15 comments:
السلام عليكم
اول مره ادخل مدونتك كتير جميله و كتير بسيطه و كتير جدا راقيه
تحياتي
صباح الخير
مزيد من البوستات
تحياتي من ماناساس البلد
يا قلب غريب
شكراً على مرورك وبجد مدونتي نورت بيك وشكراً على إطرائك .. كان المفروض أكتب إجابتك دي على إنها أحسن كلمة حلوة اتقالت في مدونتي .. بس انت مكنتش لسه جيت
-----------------------
the groom
صباح النور يا جروم
على فكرة فكرة مدونتك جميلة اوي علشان نعرف احنا كمان الشباب بيفكروا في ايه وازاي .. شكراً يا فندم
الله ع التوافق
فى اجابة آخر سؤال
انا ما كنتش فاهم حاجة
بس ابتديت افهم
هييييييييييييييييييييه
عندنا ضحية واحدة عندنا ضحية واحدة
شاب فقري
انا فعلاً مكنتش فاهمة حاجة يا محمود بس دلوقت أقدر أقولك وبصراحة منقطعة النظير إني بدعي ربنا إني أفهم .. طب أي حاجة ياربي .. بس أفهم
يا سلام اسمي منور في عنوان البوست
ههههههههههههه
بس اي خدمه تاج مش عايز عناء
على رايك هو مين دلوقت فاهم حاجة
كلنا ماشين ببركة دعاء الوالدين
تحياتى
اية دة مبدا مش فاهم حاجة
بتاعى
يعنى انا مغلطش لما قولت مش فاهم حاجة
كنت شطورة في المدرسة.. طبعا هم بتوع برج العقرب كده
الإنجليزي لغة جميلة يا شمس يا مضروبة بس في البلد دي بندرس بطيخ مش انجليزي انا اهو كبرت وبقيت طول بعرش معرفش قاعدة إف تعرفيها؟
أما الكيميا دي حاجة ملهاش طعم بس انا فاكر المعادلات كويس.. فكرك ايه فايدتها؟مش فاهم هبقى زويل يعني
انت صغننة؟ ما انت لسه صغننة أصلاً.. انا شايف انك تنفعي تشتغلي في الاعلام لأنك بتعرفي تلفتي نظر الآخر ومتسألنيش إزاي انا فاهمك كويس
:)
الحلقة التانية من حديث إذاعي طويل عندي في البوست.. عن الجمال برده " لا توجد بنات قبيحات" ولا فكرك يا شمس انه فيه بنات قبيحات؟
انا بقى هستنى رأيك لما تقري الحلقة
اعتقد انها هتجننك بقى.. عارفة لو مجيتيش.. هزعل موووووووووووت
يا لذيذ يا رايق
طب وانت صغننة مكنتيش عارفة تطلعي
ايه طب وانت كبيرة طلعتي ايه
تحياتي
وانا كمان بعتلك تاج يا شموسة عشان ينور على راسك
هههههه
خشي على سايت كتب عربية دوت كوم وادخلي على الجزء بتاع علم النفس والتربية..فيه كتب كتير عشان التدريس حتعجبك ان شاء الله
سلام يا كتكوتي وكميل التاج بتاعك
kouko
طبعاً يا كوكو اسمك منور علطول يا كميل
---------------------------
تامر
ده انت مدوناتك طلعت حكاية .. عايزة تفرغ علشان أقدر أقراها كلها وكل واحدة أحسن من التانية ماشاء الله
اما بقى بالنسبة لموضوع ان محدش فاهم حاجة فبصراحة .. أه .. محدش فاهم حاجة دلوقت وملناش الا بركة دعا الوالدين .. ده حتى مرة في الكلية الدكتورة بتقولنا : انتو فاكرين ان احنا بنجحكوا عشان بتذاكرو ! لأ طبعاً احنا بنجحكوا عشان أبوكو وأمكو
----------------------------
مش فاهم حاجة
طبعاً انت مغلطتش لما مشيت بالمبدأ ده .. وأنا كمان .. "موافقة" بفتح الفاء والقاف
-----------------------------
إبراهيم
شكراً شكراً .. ده بس من ذوقك مش من البرج ولا حاجة
وبعدين ايه "إف" دي مش اتلغت من الجرامر وبقت كل حاجة "ريل فاكت" ما هو بطيخ بقى .. فعلاً والله بطيخ ، الناس في اي حتة تانية تحس انهم فاهمين انجليزي احسن مننا وبيعرفوا يتكلموا بيه كمان .. أما الكيميا فمتجبليش سيرتها .. ما صدقت نسيت يعني ايه معادلات أصلاً بس مش فاكرة إلا ان المية "اتش تو أو" والملح يبقى كلوريد الصوديوم "ن ايه سي ال" كفاية اوي علي
اما بقى البوست الإذاعي فأنا جاية حالاً .. مقدرش ماجيش
-----------------------------
سمسم
ليه بس الإحراج ده يا سمسم .. لازم يعني اقولك مطلعتش حاجة .. الا إذا كنت شايف ان مدرسة دي تبقى حاجة .. لأن في بلدنا دي المدرسة مش حاجة خالص وانا شايفة كده كمان
-----------------------------
برنسس أميرتي
متشكرة عالتاج يا برنسس
مدوناتك هايلة هدخل عندك واكلمك فيهم ان شاء الله
اما بخصوص كتب التدريس فأنا مش عارفة اودي جمايلك دي فين .. على راسي من فوق طبعاً .. لأن أنا محتاسة الحوسة الكبيرة في موضوع التدريس ده .. سلام مؤقت
ايه التاج الصغير ده
كنا عايزين فضايح
أحمد
كده يا أحمد .. أنا لو عندي فضايح مش هقولها مخصوص عشانك انت وأباصيري
--------------------
mony
thank u mony
وانا كمان مش فاهم حاجه
بس ليه التاج دا صغير جدا
هو مكنش لاقى كلام
لا بجد تاج حلو وباين على اللى عامله انه كان بيحب الدراسه
هههههههه
Post a Comment