هو : انت زعلانة مني في حاجة ؟ أنا زعلتك في حاجة ؟
هي : أنا؟ انت زعلتني ؟ لأ ، أبداً أنا زعلانة من نفسي مش من حد تاني
هو : ليه ؟ زعلانة منك ليه ؟
هي : أصل .. عشان .. لأن أنا كده هضحك عليك ، كنت هتفتكر ان الشخصية اللي بتكلمك من بعيد هي نفس الشخصية اللي واقفة قدامك ، وأنا كنت فاكرة نفسي كده .. لقيتني أول ما شوفتك اتلخبطت وارتبكت وقعدت أبحلق في كمي ومفوقتش إلا وصاحبتي بتخبط على وتقولي هو انت مش ناوية تسلمي على ولا ايه ؟ ساعتها بس حسيت بالفرق ، حسيت ان في حاجة غلط .. أنا المفروض مكنش حاسة بكمية الإحراج الرهيبة دي اللي كنت حساها ، ساعتها ومن يوميها مش عارفة أفهم ايه اللي حصل .. فقلت لنفسي خلاص ستوووووب مادام مش هي نفس الشخصية اللي جواي اللي بتتعامل في الموقفين يبقى أبطل كلام أحسن لأني قررت لو مكنتش صادقة مع نفسي يبقى عالأقل أبقى صادقة معاك .
أرجوك متزعلش مني .. أنا بس بعدت عشان خفت .. أتكهرب
الحوار ده خيالي جداً .. بس لو حصل تفتكروا يتفهم منه ايه ؟
17 comments:
هااااااااااااي شمس ازيك؟
بقالي كتير مجتش هنا ولاقيت تطورات كتييييرة
وعلى فكرة انا كنت محتاسة ومش عارفة احط اغنية فى مدونتي وعرفت اعملها من الشرح اللي عندك وشكرا كمان انك حاطانى فى اللستة عندك :D
أما بخصوص الحوار فهو ممكن مثلا يكون .....؟
لا لالا معرفش بصراحة
ايه يعني كانت بتحبه على التليفون ولا النت ؟؟ ولا كانت بتكلمه من البلكونه ؟ هههههه
مش عارفة انا مش فاهمة بجد فهمينى :)
انتي اخيرا طلعتي من الانقاض00
انا يا سيتي اللي فهمته ان واحده كانت بتلاعب واحد او كانت بتكلمه علي انها واحده تانيه و بعدين حبته و هي ماكانش المفروض تحبه عشان صاحبتها بتحبه
lol
يا رب تفهمي لأن انا مش فاهمه اللي انا كتيته
lol
فهمت منه ان واحدة فضلت تحلم بواحد تعرفه في خيالها وفي خيالها كانت جرئية وكانت بتكلمه ويكلمها وكانت متحررة من كل مخاوفها من الرفض ومن عدم ثقتها بنفسها..وبعدين لما جت الفرصة ان علاقتها بيه تبقي حقيقية..اكتشفت انها مبتحررش من مخاوفها غير في خيالها بس وانها في الحقيقة لما بتبقي اودامه بتلجلج وبتتصرف بغباوة معاه وبتصده قبل ما يصدها هو..واكتشفت انها كده بتضيعه وانها بتعمل حاجات كتير ممكن تحلف ع المصحف انها مش قصدها كده خالص وان هو كل حياتها مش زي ما بيبان عليها
فقررت في لحظة جرأة احييها عليها اني تكسر قيد العذاب ده..مدمت مش قد الحب.زمش حرتبط
ها؟ ايه النظام؟ هبلت؟
ههههههههههههههههه
بمبة
انا شايف الحوار واضح و مفهوم
بس انت قلتي
موقفين
نقول
نت وتلفون
بس ايه حكاية الكهربة
:)
:)
ده خيال
ولا تمويه
:)
:):)
هااااااااي نضال وحشتيني نورت البلوجاية بتاعتي والحمد لله ان احنا عرفنا نساعدك وابقي تعالي تاني اما بخصوص الحوار بقى فهو زي مانت قلت ممكن نمشيها تليفون أو نت بس مينفعش بلكونة لأن شرط أساسي في الموضوع ان ميبقاش في eye contact عشان كده تصرفها معاه بيختلف
معلش يا كوكاية الواد أخوي هو السبب مسيطر عالجهاز بطريقة فزيعة أما الحوار بقى فمكانش فيه تلاعب ولا حاجة بس أنا تخيلت انهم يعرفوا بعض عن طريق زمالة أو شغل أو دراسة بس بلاش حكاية بتحبه دي عشان أنا مقدرش أوصل لها حتى في خيالي مشيها إعجاب
برنسس انت أبعد ما يكون عن الهبل لأنك ترجمت كل اللي كان في خيالي بالضبط ويمكن أحسن كمان ..وأنا لو حطيت نفسي مكانها متخيلة اني هعمل كده .. يبقى تفتكري يا برنسس ان اللي مش قد الحب .. ميحبش ولا يعمل ايه ؟
شادي مادام انت فاهم الحوار مقلتش انت فاهم ايه ليه ؟ اما حكاية النت والتليفون فهم واردين لأن زي ما قلت لنضال مهم اوي ميبقاش في العملية أي
eye contact
بشرط انهم يكونوا عارفين بعض الأول عشان يحصل الاختلاف في التعامل بالمواجهة ومن غيرها
واهم حاجة بقى ان ده حوار خيااااااااالي جداً
حوارك حلو ..و بجد خيالى ..اظن احمد ربنا على الواقعية اللى باكتب بيها ..بس ماظنش حد يستغنى عن الخيال..بالتوفيق
واحدة بتكلم أخو صحبتها
او قريبها
ولما قابلتهم
لقيته غير مكانت متوقعة و اتبرجلت
لدرجة انها مسلمتش على صحبتها
يبدو انه طلع كهربائي
ولا حاجة
ايه فهمت غلط
؟؟؟؟
بس انا مش فاهم هي ليه قعدت تبص
في كمها
؟؟؟؟؟؟؟؟؟
بجد
لو خيال
يبقى انت خيالك خيال مش عادي
سلامو عليكو
مفيش حد مش قد الحب
المشكلة اننا ساعات مبنحبش بجد
ساعات بنبقي مجرد بنعوض نقص ما عندنا
لكن تعرفي
لو حبينا واتحبينا بجد
مش حنحتاج ايييييييييي حد في الدنيا يقلنا نعمل ايه ولا نتصرف ازاي
ربنا يوعدنا يا بنتي
mmm..
let me guess..
u talked before..
al e7temaal al akbar enko konto btetkalemo 3al net or something like that..
konto bttkalemo 3ady w mn 3'eer qiood w bthazaro w ted7ako 3ady..
w shaifa enko s7aab msh aktar :)
falama 7asal w shofto ba3d.. l2eete en al mawdoo3 akbar mn kda :)
weno msh mogarad s7aab..
3al2a2al mn ne7ietek..
fal2enek gabana (esma7eely ya3ny :))
7'ofty melly momken ye7sal.. 3shanek ma2derteesh tet3amly m3aah 3ady zay makonty ayaam makonty just betkalmeeh 3alnet..
fa 7'ofty 3ala nafsek melly momken ye7sal ba3d kda w fadalty tehraby :)
aw teb3edy beshakl taany :)
w batalty tet3amly m3aah zay al awal fa hwa 7eseb en da 3shan enty za3lana mno..
fal egaba hatkoon la2.. 3shan enty fe3lan msh za3lana meno hwa aslan ma3melsh haga tza3al!
bas.. da kol ally 3andy :)
الفيلسوف
شكراً على تعليقك الجميل ، أنا فعلاً خيالية حبتين بس برده مقدرش استغنى عن الواقع لأن هو ده الأرض الصلبة اللي أنا واقفة عليها
----------------------
شادي
هي فعلاً كانت بتكلم واحد بس كلام عادي ولما شافته اتبرجلت عشان لقت نفسها مش بتعامله زي ما كانت متوقعة نفسها انها تعامله مش عشان هو كان غير توقعاتها لأنها تعرفه من قبل كده عن طريق جيرة أو شغل أو دراسة أما موضوع انها بصت في كمها ده فمن الإحراج ومتهيألي موضوع الكهربة ملوش دعوة بكونة كهربائي أو لأ .. فين خيالك انت
وشكراً على إطرائك على خيالي
------------------------
برنسس .. الجميلة دائماً
ربنا يوعدنا يا بنتي ، بس بجد ساعتها .. لسه مش متخيلة هعمل ايه ، وعلى رأيك مفيش حد مش قد الحب
----------------------
mony
منة أنت أكتر من رائعة في تعليقك بس بلاش تقولي انه كانت انا لأني تخيلت الموقف ده مع اتنين وزي ماقلت اني بهرب فده حقيقي عشان كده تخيلت البنت بتهرب هي كمان وزي ما قلتي برده انهم كانوا اصحاب مش اكتر لأني برده بتعامل مع زمايلي كأصحاب مش أكتر لكن الحتة الجميلة بقى انها فعلاً لقت نفسها بتتصرف غير ما كانت متوقعة نفسها تتصرف لأنه زي ماقلت حست ان الموضوع أكتر من اصحاب واول ماوصلت للاستنتاج ده خافت من اللي ممكن يحصل بعد كده زي ماقلتي برده .. بس تفتكري يعني ده تصرف سليم ؟
على فكرة يا موني انت كلامك كله صح في صح في صح .. انت راااااااااائعة
احيانا يكون الانسان اكثر جرأة فى التعبير عن عواطفه عن طريق التليفون او النت اما اذا قابل هذا الذى كان يكلمه بصدق وبدون خوف يرتاب ويقلق من ردة فعله وتدور عندئذ الاسئله فى مخيلته
عن تجربه احدى صديقاتى اعجبت باحد الاشخاص فى احد المنتديات وبعد ان التقت به فى احدى الانشطه وعلى ارض الواقع صدمت لانها كانت رسمت له شكل يختلف عما تراه فى الواقع وعندما اقتربت من شخصيته اكتشفت انه شخص اخر غير الذى كلمته من قبل
الحوار يا شموسه ليس خيالى بل واقعى جدا
أيوة يا شيكو اللي انت قلتيه وارد جداً انه يحصل بل زي ما بتقولي حصل فعلاً لواحدة صاحبتك بس الكلام ده لو هي اتصدمت فيه يعني هو اللي طلع عكس ما كانت متوقعة .. الموقف اللي انا تخيلته كان هي ذات نفسها اللي طلعت عكس ما كانت متوقعة نفسها .. تفتكري بقى ده شيء واقعي ؟ يعني في كده ؟
:)
asl ana 3arfa al7ewaar da :)
megarabaah ya3ny :)
but u know what, i was in the other side :)
w mashy yasetty msh ha2ool eno enty ;)
bas ana msh m3aha fely hia bte3melo da..
hia leeh motsha2ma kda?
ma yemken ally benhom yeb2a a7la 7aga feldonia asasan..
ana fahma en hia 7'aifa mn eno law baaz w b2a we7esh, kda alsoora algameela ally fe 7'ialha hatbooz..
bas msh a7san mema maib2aash fe soora mn asaso :)
ana msh m3aaha, 3shan zay ma2oltelek i lived it..
but i was in the other side..
his side :)
salaam ya gameela
تعرفي يا منة .. عندك حق على رأي المثل اللي جرب ولا طالشي أحسن من اللي مجربشي .. بس الموضوع محتاج جرأة جامدة من وجهة نظري وشكراً ليك كتييير اوي
Post a Comment