30 May 2007

الحصان الحكيم





بقالي فترة عمالة أقرأ في موضوعات عن الموارد البشرية وبصراحة الموضوع عجبني يعني يكلمك مرة عن ازاي تزود الثقة بالنفس وازاي تفجر الطاقات الكامنة جواك وازاي تتعامل مع الآخرين عن طريق البرمجة اللغوية العصبية وهكذا وأثناء قرايتي لقيت موضوع عجبني اوي حبيت اشاركه معاكم




هي زي حكاية كده




وقع حصان أحد المزارعين في بئر مياه عميقة ولكنها جافة ، وأجهش الحيوان بالبكاء الشديد من الألم من أثر السقوط واستمر هكذا لعدة ساعات كان المزارع خلالها يبحث الموقف ويفكر كيف سيستعيد الحصان ؟




ولم يستغرق الأمر طويلاً كي يقنع نفسه بأن الحصان قد أصبح عجوزاً وأن تكلفة استخراجه تقترب من تكلفة شراء حصان آخر ، هذا إلى جانب أن البئر جافة منذ زمن طويل وتحتاج إلى ردمها بأي شكل . وهكذا ، نادى المزارع جيرانه وطلب منهم مساعدته في ردم البئر كي يحل مشكلتين في آن واحد ، التخلص من البئر الجاف ودفن الحصان




وبدأ الجميع بالمعاول والجواريف في جمع الأتربة والنفايات وإلقائها في البئر . في بادئ الأمر ، أدرك الحصان حقيقة ما يجري حيث أخذ في الصهيل بصوت عال يملؤه الألم وطلب النجدة . وبعد قليل من الوقت اندهش الجميع لانقطاع صوت الحصان فجأة




وبعد عدد قليل من الجواريف ، نظر المزارع إلى داخل البئر وقد صعق لما رآه ، فقد وجد الحصان مشغولاً بهز ظهره !!!!!! كلما سقطت عليه الأتربة فيرميها بدوره على الأرض ويرتفع هو بمقدار خطوة واحدة لأعلى




وهكذا استمر الحال ، الكل يلقي الأوساخ إلى داخل البئر فتقع على ظهر الحصان فيهز ظهره فتسقط على الأرض حيث يرتفع خطوة بخطوة إلى أعلى . وبعد الفترة اللازمة لملء البئر ، اقترب الحصان من سطح الأرض حيث قفز قفزة بسيطة وصل بها إلى سطح الأرض بسلام




وبالمثـــل




تلقي الحياة بأوجاعها وأثقالها عليك، فلكي تكون حصيفاً عليك بمثل ما فعل الحصان حتى تتغلب عليها ، فكل مشكلة تقابلنا هي بمثابة عقبة وحجر عثرة في طريق حياتنا ، فلا تقلق ، لقد تعلمت تواً كيف تنجو من أعماق آبار المشاكل بأن تنفض هذه المشاكل عن ظهرك وترتفع بذلك خطوة واحدة لأعلى .




يعني من الآخر ممكن نلخص الموضوع كله في كذا نقطة




اجعل قلبك خالياً من الهموم




اجعل عقلك خالياً من القلق




عش حياتك ببساطة




أكثر من العطاء وتوقع المصاعب




توقع أن تأخذ القليل




توكل على الله واطمئن لعدالته




كلمة أخيرة




كلما حاولت أن تنسى همومك ، فهي لن تنساك وسوف تواصل إلقاء نفسها فوق ظهرك ، ولكنك دوماً تستطيع أن تقفز عليها لتجعلها مقوية لك ، وموجهة لك إلى دروب نجاحك




مش كده ولا إييييييييه ؟؟؟؟؟؟

23 comments:

Shreif fahmy said...

ياترى احنا اللي بنعيش الزمن ولا الزمن هو اللي بيعشنا سؤال مستني اجابته منك

Reemo said...

ياريت كانت الهموم بسهوله تلك الاتربه اللى القت الحصان
فيستطيع النسان تنفيضها والصعود فوقها
ياريت بس نقدر فكر بمثل تفكير الحصان فى ذلك الموقف فى ذروه همومنا
ومع ذلك من الممكن المحاوله حتى وان باءت بالفشل
فيكفينا شرف المحاوله
البوست جميل يا شمس
محبتى وقبلاتى

يعقــــوب .... said...

حكمة جميلة

Tamer Nabil Moussa said...

كلام جميل

رغم ما فى الدنيا

الا لو الانسان اخذكل شىء ببساطة

هتحلل وتفك عقد كتيرر ادامة


بوست مميز

تحياتى

سجدة said...

ممتاز حكمة جميلة بس ياريت نقدر فعلا ننفذها ساعات بيكون صعب اوى على فكرة

Anonymous said...

حلو اوى الموضوع يا شموسه
بس انا اؤيد ريم فى موضوع اننا نفكر كده فى ذروة همومنا بس يكفينا شرف المحاوله برضه
سلام يا جميل

heba said...

شريف

سؤالك محير وفلسفي أكتر من انه يكون عايز إجابة يا شريف .. لو جاوبنا السؤال صح هنعيش صح

لو احنا عايشين زي ماحنا عايزين يبقى احنا اللي بنعيش الزمن

لو الزمن اللي بيمشينا على مزاجه يبقى هو اللي بيعشنا

تعليقك مذهل
***********************
ريمو حبيبتي

الكلام فعلاً أسهل من الفعل بكتير اوي ، بس الكلام ساعات لو صدقناه وحاولنا تنفيذه يبقى يكفينا شرف المحاولة

سلام يا قمر
*************************
يعقوب

شكراً يا يعقوب وأكيد التنفيذ على قد ما نقدر هيكون أجمل
****************************
تامر

هي دي أهم حاجة انا بدور عليها .. البساطة .. لو خدنا الأمور ببساطة حتى المشاكل في قمتها لو بصينالها ببساطة وان بإذن الله كل شيء هيتحل فده هيهون المشكلة ويقرب حلها بكتير

سلاماتي احتراماتي
********************************
سجدة

الكلام والأفكار دايماً اسهل من تنفيذها
الله المستعان

شكراً يا سجدة على مرورك الكريم
*********************************
شيماء
الواحد وهو في ذروة الهموم بتاعته بيبقى مخه مقفل كده ومش عارف يفكر عشان كده لازم نخلي بالنا من افكار زي دي وأكيد أكيد يكفينا شرف المحاولة

سلام يا عسولة

Anonymous said...

أختي العزيزة : بارك الله فيكي و جزاكي خيرا ، لم أقرأ هذا البوست الا اليوم و لكنه في الوقت المناسب تماما"
فأنا في أزمة شبيهة لأزمة الحصان ، شكرا" على الحل و التثبيت
خالد

كلام لوجيك said...

السلام عليكم

عجبتنى جدا القصة المعبرة دي
وياريت نستوعبها صح ونفهم مغزاها الفلسفى المكنون خلف كل كلمة فيها

احنا محتاجين نرتب افكارنا فى كل محنه والانفقد الثقة فى انه يوجد دائما باب للنجاة

بس مشكلتنا ان همومنا من النوع الذي قد يصعب علينا حله بمثل تلك الطرق وحتى

ولكن ما اريد ان اقوله انه يجب علينا نضعف او نهتز كلما واجهنا مشكلة او هما
اشكرك على هذا البوست الرائع والمتكامل
خالص مودتى

heba said...

خالد

وجزاك مثله يا خالد .. وشكراً على الدعوة الجميلة والحمد لله الحمد لله ان البوست فادك وجه في الوقت المناسب وربنا يفك أزمتك إن شاء الله وتأكد ان كل مشكلة ليها حل بإذن الله
******************************
كلام لوجيك

هناك مغزى فلسفي طبعاً وحكمة خلف كل كلمة في القصة ولازم نتعلم منها اي حاجة ولو حتى زي ما قلت ان دائماً في باب للنجاة
حتى لو مكانتش همومنا يبدو عليها ان ليها حل فهناك بإذن الله بس نتمسك بالثقة في الله عز وجل والثقة في نفسنا

وانا بكلم نفسي في البوست قبل ما اكلم اي حد بس كلنا لازم نستفيد من حاجات زي كده

تحياتي وسلاماتي

koukawy said...

الله حلوه اوي القصه و مفيده فعلا

Anonymous said...

الاستسلام لليأس بداية طريق موت النفس
مشاكل الحياه تحتاج للحكمه فى التعامل معها وقد كان الحصان حكيما فلم يترك المشكلات تتكاثر عليه بل علا هو فوقها

بوست جميل يا شموسة وله مغزى قوى

Anonymous said...

كدة طبعا و ابو كدة كمان
رغم انى بحس ان اللى بيقولوا الحكم ديه ناس فاضية قاعدة قدام حطب مشتعل
و غالبا ما اجدها تتنافى مع الواقع
الا ان الحكم اللى قريتها فى البوست ده التى تحمل روح شمس الشموسة المميزة...لم أجد فيها اية غرابة
.......
ايه اخبار الامتحانات يا بنت
ابقى طمنينا عليكى
.......
عذراً للتأخير
مع خالص تحياتى

تامر حسين said...

كلما حاولت أن تنسى همومك ، فهي لن تنساك وسوف تواصل إلقاء نفسها فوق ظهرك ، ولكنك دوماً تستطيع أن تقفز عليها لتجعلها مقوية لك ، وموجهة لك إلى دروب نجاحك

تحياتي جدا جدا جدا

Shreif fahmy said...

http://sfahmy78.blogspot.com/2007/06/blog-post.html
منتظر تعقيبك على البوست الجديد

heba said...

كوكو الكميل

هي كمان عجبتني اوي قلت اجيبها هنا عشان كلنا نستفيد
**************************
شيكو

فعلاً مشاكل الحياة تحتاج لحكمة ومحتاجة صبر وبساطة كده واكيد كل حاجة معقدة هتتحل
****************************
أحمد مختار عاشور

فكرتني بالقصص القديمة اللي بيقعد يحكيها عجوز القرية ويلتف حوله الجميع من الكبير للصغير يستمعون بإخلاص

انا خلصت الامتحانات وخدت الأجازة

قال اجازة قال
ولا كإنها اجازة خالص لدرجة مش عارفة اجي هنا خالص زي الأول
*******************************
تامر

ده حقيقي وحقيقي جداً
بس مين يقفز بقى .. الله المستعان

شكراً لمرورك نورت البلوجاية
******************************
شريف

ثواني واكون عندك

خليك فى البيت said...

ندعوكم لزيارة مدونة خليك فى البيت والمشاركة فى الحملة

nohamy said...

يااا موضوعك جميل اوي
انا بحاول أتخلص من كل الحاجات السلبيةو اتعلم بس من
واعيش بس فى الحاجات الايجابية
بس الموضوع ساعات بيكون صعب اوي

شباب روش طحن said...

قصة جميلة ولها معاني ممتازة الغريب في الأمر أني أحيانا أشعر وكأني قرأت هذه القصة من قبل


إستمري في الإطلاع علي موضوعات التنمية البشرية فهي ستغير حياتك

heba said...

خليك في البيت

طب ازاي اسيب البيت واجي عندكو .. هههههه لا لا جاية اهو
**********************
بني آدم مع وقف التنفيذ

والله يا تهامي هو مش ساعات ده دايماً صعب اوي بس اهو ادينا بنحاول
***************************
شباب روش طحن

شكراً لمروك الكريم ونورت المدونة خالص وحاضر من عيني هقرأ في التنمية البشرية لأنها فعلاً فعلاً حتحول حياتي بإذن الله إلى الأفضل

Blank-Socrate said...

القصه جميله و افكارك فى التعليق اجمل

Do7a said...

sada2eny fe hemom kter btehed wa sa3b awe enena bkol basata nenafad el2atreba wa ne3la...... ana ma3aky en dah 7al koayes awee wa 7anwesaloh fe el2a5er bas teftekry el2a5er dah 7ankon e7na wasalna lefen ?

azmeralda said...

علي فكرة انا برده من الناس اللي بتهتم قوي بموضوع الموارد البشرية ده وما يسمي بي soft skils
وده جزء من الوارد البشرية وفي حاجات كتير قوي ممكن تقريها في الموضوع ده زي
كتاب السيفين هابيتس او العادات السبع للناجحين بتاع واحد اسمه ستيفين كوفي
وكمان موضوع الsix hates
وكمان موضوعmind maps
وده قصة لوحده
ولو عوزتي حاجة انا في الخدمة سعادتك