06 May 2007

تحيـــــا مصر



في بعض المصطلحات اللي بنرددها فقدت معناها الحقيقي اللي المفروض تدل عليه .. واتحولت إلى مصطلحات أكثر دقة لتنم عن الحالة اللي احنا وصلنا ليها


من ضمن المصطلحات دي


مصر المهروسة


وسائل الإعتام


الترقيعات الدستورية


ولو في عندكو أي مصطلحات من هذا القبيل من اللي اتغيرت دي عشان تكون أكثر صدقاً وواقعية قولولي عليها عشان أنشرها هنا في البوست

9 comments:

أميرة البلطجية said...

أممممم
هي حاجة مش وطنية
كان ليا واحدة صاحبتي في قسم اتصالات بتقول
انا كلية هلوسة قسم انفصامات
هههههههههه
لو افتكرت حاجة تانية حجي ان شاء الله واقولك

Tamer Nabil Moussa said...

ان كان على الالفاظ هيا كتير اكثر مما تتخيلى شموسة


لكن ياريت نبحث عن الجوهر وليس المظهر عن المضمون وليس القشرة

تحياتى

lockash أحمد تمام said...

دايما الزاكرة بتخوني بس هحاول افتكرلك كام حاجه كده:
وسائل الإنعاش"الاعلام"- خلي بالك من قفاك"زوزو" - وقفة استعراضية "احتجاجية"- حكايات الف نيله و نيله".

max.adams said...

السلام عليكم

دي أول مرة لي هنه وبصراحة التعبير ده "تحيا مصر" أنا بستخدمه كتحية يعني واحد يقوللي "ازيك يا ماكس" أرد عليه " تحيا مصر" بدل صبح صبح أو مساء الخيييير أو أي حوار من دول
الكلمات المتحورة كتيير جدا منها اللي أميرة قالته أنا فعلا في كلية هلوسه واحد زميلي في قسم "اتصالات"-- كونفيرت -- "سنترالات" وأنا في قسم "الساموراي"--كونفيرت--"ميكانيكا قوى"

لك مني أجمل التحيات و أرجو أن تشرفيني بالزياره

Anonymous said...

عاجبني اسم مدونتك
شركاء في قراءة الدستور
وتاني حاجة اقراها هي ضربة شمس
عاجباني كتابات خاد كساب بالرغم من اختلافي احيانا معاه
وانت ماشية على نفس الخط
عشان كدة عجبتني كتاباتك كمان برضة مع اختلافي معاك

nohamy said...

مش فاكر حاجة دلوقتي
بس الموضوع حلو
و غريب

david santos said...

Thanks a lot, friend! My life is to exceed the barriers of the languages and to fight against the lie of the outlaws who make the wars, Bush & Cª

koukawy said...

اكرام الضيف حرقه
و فلان كلامه يتحط علي الجرح يورم

heba said...

برينسس

مليش دعوة يا برنسس انا عايزة حاجة وطنية بس حلوة قسم انفصامات دي ههههههه
*****************
تامر

الألفاظ والمصطلحات دي مجرد مؤشر بيوضح المضمون ده وصلت حالته لإيه عشان احنا بقى المفروض نغيره ونرجعه زي ما كان قبل ما المصطلحات تتغير

تحياتي يا تامر
*********************
لوكاش

وسائل الإنعاش دي يعني الإعلام في الإنعاش ولا هو بيعمل لنا إنعاش .. بصراحة انا مع الرأي الأولاني بس حلوة خلي بالك من قفاك .. ماشية مع العصر الحالي واللي عجبني اوي حكايات ألف نيلة ونيلة مع انها كلها حكايات حلوة والله
تحياتي يا لوكاش
*****************
ماكس
وعليكم السلام ورحمة الله وبركاته
وانت كمان في هلوسة بس حلوة بجد اتصالات تبقى سنترالات وانفصامات

تحيا مصر يا ساموراي
******************
لحظة

انا فرحت جداً لما عرفت انك بتقري الدستور وضربة شمس خصوصاً وخالد كساب كمان وبعدين يا لحظة لولا الاختلاف مكانش في نقاش ولا كلام من ده بس ولا يهمك يا جميل الاختلاف في الرأي لا يفسد للود قضية
*******************
بني آدم

حلو وغريب .. وهو المطلوب إثباته
بس لما تفتكر حاجة تيجي تقول علطول
شكراً على إطرائك يا تهامي وتحياتي
********************
mr.david

ur welcom mr.david & God help you
************************
كوكو الكميل

ايه الكلام اللي مش كميل خالص ده يا كوكو .. عايز تولع في الضيف ليه بس .. أكيد ضيف تقيل خالص أو يمكن جاي من مدينة الشلاليت ههههههههه بس حلوة اوي اللي يتحط ع الجرح يورم .. ربنا يعافينا