27 August 2007

يوماتي بدوّن

كنت حاسة أول ما عملت المدونة اني لما أعوز أكتب حاجة هكتبها بغض النظر عن مين اللي هيقراها أو هيعرفها وبعدين لما دخلت المدونات التانية ولقيتهم تقريباً بيكتبوا كل يوم أو كل أسبوع حسيت زي ما يكون أنا في سباق ولازم أكتب جديد .. حسيت بقى انها معادتش مدونتي .. لأ .. بقت زي مجلة ولازم أطلع عدد يومي أو عدد أسبوعي .. وبتيجي فترات مبلاقيش فيها لا اللي أكلمه ولا اللي أكتبه .. بتبقى فرحة كبيرة وأنا بترجم إحساساتي وخواطري وأي حاجة بتدور في دماغي للورقة والقلم ودلوقت للمدونة ولوحة المفاتيح
فكرت اني ممكن طالما مفيش بوستات جديدة أقضيها فسح عند أصحابي المدونين يعني هبقى مدوِّنة بلا مدوَّنة .. حلوة دي
وبعد تفكير وتمحيص في حالتي وصلت للمهم ألا وهو إني لقيتني دخلت في عالم المدونات مش عشان هدف محدد عايزة أوصله بالتدوين .. لأ خالص لقيتني دخلته علشان مجرد بس أتعرف على العالم الجديد ده لأنه شدني من كتر ما سمعت وقريت عنه وبعد ما فترة التعارف خلصت عجبتني الحكاية واشتغلت فترة كده ورا بعض .. وبعد كده .. هسسس .. لقيتني بعدت خالص وفين وفين كده على ما بكتب بوست جديد أو أدخل عند حد من أصحابي المدونين .. اضايقت اوي بس فكرت ليه بوستاتي فاترة كده وبتطلع في فترات متباعدة ؟؟؟
وفي الآخر عرفت السبب الحقيقي ورا التباطؤ ده وهو إني معنديش هدف محدد للمدونة ، يعني انا دلوقت مش عارفة بدون ليه وعشان ايه وهستفيد ايه وشكلي كده هرجع تاني للمذكرات اللي كتبتها من سنين .. في نوتة زرقا لون بحور الحنين .. ولما عترت فيها رميتها في المهملات .. وقلت صحيح أما صحيح كلام مخبولين
وعجبي !

73 comments:

S H A H said...

ضربة شمس

مين بس قالك انها فاترة

جميلة و زي الفل

سيبك انتي

مفيش احلى من كلام جاهين


ايه ده

ده انا الاول

تماااااااااام

tohamy said...

اصبري بس شوية
انا بحب اسلوبك جدا
استمرى يا بنتى

متقوليش فاترة دي تاني

احساس لسه حى said...

عزيزتى
اوقات كتير بنحب حاجات وفجاءه نزهق منها بس المدونة المفروض شئ تانى
ده كلام بتقوليه وتخرجيه وتشوفى راى الناس فيه
تفتكرى فيه فى الدنيا حاجه غيرها ممكن تعرفى راى الناس بيها غير كده
ولو خلص الكلام عندك شوفى موضوعات شغلاكى سياسيا او دينيا واتكلمى فيها
الانسان ده مش بيشبع من اى شئ ودايمن لو معاه كل شئ هيشبع منه بسرعه ويدور على اى شئ
تحياتى يا قمر
سلام

بيدو said...

من يوم ما غبتي مطلعش علينا نهار
اولا طولتي الغيبة أوووووووووووووي
ثانيا انتى عرفتي السبب وهو انك مالكيش هدف من التدوين وده نصف العلاج يعني حددي اهداف لمدونتك وممكن تكتبى مواضيع اجتماعية ومواقف في حياتك يستفيد منها الناس وده غالبا معظم البنات بتجيد كتابته
وطبعا نورتي النت مرة اخري
بيدو

Mo7ammad said...

أنا مع بيدو حددى هدف لمدونتك ... و مسنيينك تدونيلنا وانتى ليكى هدف كدة و غاسلة شعرك :) هيهيهيهيه.... و فاترة ايه بس و بتاع ايه لا يا ستى مش فاترة ولا حاجة دى سخنة و ملتهبة :) ... حلوة الحتة الأخيرة بتاعت أما صحيح كلام ناس مخبولين .. عمنا صلاح بأه لما كلامه بيتفق مع موقف فى حياة حد فينا .. حيث الراحة النفسية 00

shayma said...

مفيش حاجه اسمها من غير هدف
انك تكتبى وتخرجى الى جواكى ده فى حد ذاته هدف
وبعدين صحيح من قالك انها فاترة
بقولك ايه استمرى تكتبى الى انتى حاساه وبس وده اهم هدف
سلامى يا شموسه

Amr Ahmed said...

نفس الاحساس للاسف

ملل

والاحساس انك لازم تكتبي علشان تفضلي موجودة

جربته بعد ماسبت المدونة حوالي شهر

بس برضو هاكتب زي مانا عاوز

وانتي اكتبي وقت ما تحبي

هو احنا سبنا الواقع وخنقته

علشان نتقيد هنا كمان

هنا حرييييييييييييية

تحياتي

الربان said...

تحياتي

اول مرة أدخل مدونتك الجميلة...

هذه مدونتك انت...لك مطلق الحرية بالكتابه بما تريدين و قتما تريدين...و حين تشعري بأن هناك شيئا ما داخلك تريدين التعبير عنه...فلا تترددي... و حين لا تجدي فلا بأس ان تأخذي فاصل ثم نواصل...

المهم..المدونات لاخراج الافكار و الاراء
و المشاعر....و ليست عمود يومي في احدي الصحف لابد ان تكتبيه يوميا...


تحياتي و دائما بالتوفيق

مش فاهم حاجة said...

طب لية ما تختارى لنفسك هدف


واعلنية فى المدونة
لية ما يكونش هدفك
انك تفضفضى عن نفسك
او تكبرى الهدب شوية
وتعبرنى عن جيلك
ومشاكلة

طب لية ميكبرش الهدف شوية

وتبقى بتعبرى عن شعب كامل


ومش هاتفرق ان يكون الهدف كبير او صغير
بس اللى انا متاكد منة ان الهدف لو اتحقق

هايجى هدف تانى اكبر منة
وهاتفضلى وراة لحد ما يتحقق


تحياتى ليكى

wahed said...

يا ستي اكتبي اي حاجه المهم تكتبي

دخلنا عندك كتير ومش لاقيين جديد

عاوزينك متتاخريش تاني


تحياتي لكي

Mony The Angel said...

matetsawareesh ana ad eh mabsoota 3shan l2eet modawantek
mn fatra bahawel adawar 3aleeha msh la2iaaha :(
bas 5alaas
7alan ha7ot al link bta3ek 3andy :))
wa7ashteeny ya shamoosa

w about alektaba :)
fa ya setty es2aleeny ana :D
ana ektahsaft ba3d alsanawia eny msh adra akteb wlaa kelma :D
almost kont bakteb ayaam aldrasa taharoban mn almozakra msh aktar :D

bas now al7amdolelah rabna fata7ha 3alai b post a5eran :d

bra7tek yabnty
w mat5alesh ahd yed3'at 3aleky f haga :)

ehna mawgodeen aho
3shan wa2t mat7ebby tekteby
ne2ra ;))

koukawy said...

اوعي يكون قصدك انك هترمي المدونه في الزباله ورا المذكرات
و بعدين انتي بتعمليلنا تشويق لما بتغيبي و تطلعي كل فاتره ببوستايه
و انا مش حاسه بفتور خالص انتي بس موهومه

Bossy said...

السلام عليكم

ماشاء الله عليكي يا شمس

اسلوبك في التفكير والتعبير عن التفكير دا بالكلام
جميل جدا
يا بنتي امال فين افكار شمس الجميله
شمس سيبك من المذاكرات
وخليكي دايما معانا
لو كلامك فيه فتور مكناش هندخل هنا
ومكناش هنسال عليكي
ايتها الضربشمسويه
منتظرين جديدك دائما
تحياتي

اسماء العـــــــريان said...

غدا الاثنين 3 سبتمر
استئناف قرار الحبس بالتجديد 15 يوم لمجموعة الدكتور عصام العريان ومن معه

فى محكمة شمال القاهرة بالعباسية

الساعة 10 صباحا

ارجو ممن يريد التضامن معنا ان ياتى

The Groom said...


نتكلم؟ لا مش حنتكلم

حنعلق بس ونقول

اكتبي واحنا وراكي على طول

فاترة او منهمرة مش مهم

كل يوم او كل سنة مش مهم

المهم تواصلي

تحياتي لك من ماناساس البلد

شبــ اون لاين ـــاب said...

ضربه شمس


انا دخلت ع مدونه شيماء... شيكو اون لاين

و قرأت تعليقك


بس للاسف فعلا شيماء توفيت ...رحمها الله
اقرأى باقى التعليقات حتى النهايه



لم اكن اقصد ازود احزانك ..بس كان لابد من قرأه الفاتحه ع روحها

صاحب البوابــة said...

كل عام وأنتم بخير

يهل رمضان من بعيد

حاملاً لي أحلى الذكريات دائماً

أصدق العبرات حتماً

أخلص العبادات دوماً

لرمضان عندي مكانة خاصة

ولكم أنتم أيضاً

يا أحبابـــي

فكل عام وأنتم بخير

وأنتم إلى الله أقرب وعلى طاعته أدوم

مواطن زهقان said...

استمرى استمرى
بجد جميلة ومين قالك ان هيا فاترة
والصبر حلو

Arabic ID said...

الكلمة ازاى تعبرى عنها
مش ممكن بالسكوت
لازم مشاعرك تنطق
وإلا تتخنق وتموت
قولى انك من هنا
وحلمك طاير بعيد
ولو لحقنا حلمنا
كلنا هنفرح أكيد

أوصفى الحلم فى خيالك
وعبرى عن ذكرياتك
دا السؤال اللى كان فى صدرى
اجابته فى حيرة سؤالك

wahed said...

مفيش جديد

كل سنه وانتي طيبه

Bossy said...

السلام عليكم ورحمه الله وبركاته

ازيك يا شمس

كل سنه وانتي طيبه

ورمضان كريم

koukawy said...

رمضان كريم و كميييييييييييل

أنا حر said...

المشكلة اللي ظهرت ليكي في عالم التديون دي مشكلة اكبر من كده
احنا في حياتنا اصلا بنتكلم وبنمارس كل حاجة من غير شكل منهجي معين يعني حتى التفكير بنفكر بالبركة وحتى كتابتنا بنكتب بالبركة
لازم نحدد اهداف مستمرة علشان نحس اننا بنعمل حاجة مفيدة
تحياتي

احساس لسه حى said...

عزيزتى
انتى فينك
كل كده ومش لاقيه موضوع
لو نويتى تكتبى بجد
هتلاقى موضوع تكتبيه
انوى بس
كل سنه وانتى طيبة
سلام

shreef said...

فعلا عندك حق انا شايف بردو النقطة ديه ان الواحد بئى مطالب ان يكون في بوستات و مواضيع بس المفروض اصلا ان المدنة ديه مذكرات للشخص يعني بكتب علشان نفسي سيلة افضفض بيها باللي انا عايز اكتبه علشان كدا طلعت شعار بقول فيه هذه مدونتي اكتب فيها ما اريد انا ان اكتبه و ليس ما يريد ان يقراءه الناس للاسف مش عارف ليه واخدينه كسباق فعلا..عموما بجد مدونتك لذيذة و اسلوبك جميل بع ما اتمشيت شويه في المدونة..يلا سلام

Mony The Angel said...

ramadaaaaan kareeeeeeeeem
kol sana wenty tayeba ya shamoosa

mohamed hesham said...

طب أنا عندي اقتراح ...

ممكن تحددي هدف لمدونتك مثلا لو ده هخليكي تقدري تكتبي بالشكل اللي انتي عايزاه ... وعموما المدونة جميلة ...

والسـ ختام ــلام

مش فاهم حاجة said...

كل سنة وانتى طيبة

shabfa2re said...

رمضان كريم
:)

كلام من القلب said...

اولا انا اولا مرة ادخل هنا عندك
فأحب اقولك كل سنة وانتي طيبة رمضان كريم
بصي انا زيك وفكرت نفس تفكيرك بالظبط بصراحة وفوق كل ده بقى اني مش بعرف اعبر احيانا عن اللى جوايا بيبقى جوايا حاجات كتير بس مش عارفة اكتب وطبعا لو قولت لحد اكتبلي انا حاسة بأيه حيقول عليا مجنونة ازاي انا حكتب حاجة جواكي انتي
بس المدونة بحاول على قد مااقدر اني اقول انا بفكر في ايه بحس بأيه طبعا مش بقدر اقول كل اللى جوايا بس اهو حاجة الواحد بيطلع اللى جواه وتبقى المتنفس الوحيد ليا
اكتبي اللى حساه وماتفكريش كتير فلي حواليكي وماتقوليش ان ممكن يبقى فى سباق مايهمكيش حد المهم انك تكتبي اللى عيزاه وحساه وبس ده المهم

وتحياتي ليكي

shabfa2re- اهلا رمضان said...

البنت دى اعتقلوها ولا ايه
:(

max.adams said...

يا بنت الحلال اعقلي
خير اللهم اجعله خير أنت ممكن تكتبي بوست كل شهر مافي مشكل هي أم كلثوم كانت بتغني كل يوم؟؟؟

لو قفلتي المدونة عاموتك

زلام

moodysalihamidzic said...

السلام عليكم
اتمنى ان تشاركونى
فى حملة هنكون احسن
http://hankoona7san.blogspot.com/

Mony The Angel said...

enty msh hatekteby tany walla eh :??

shayma said...

شموسه انتى فين
انا اقول برضه اغيب ومتساليش عليا ..اتاريكى انت اصلا غايبه
انتى فين
سلاماتىىىىىىىىى

sayed saad said...

ضربة شمس اسم شدنى انى ادخل واطلع علي صاحب المدونة لأول مرة وتوقعت انى سوف اقراء اول بوست اليكي لكنى وجدت نفسي اقرا اليكي بوست تلو الاخر فتحياتي الي اسلوبك الجميل

3ala asm masr said...

كفايه ان يكون الهدف انك تطلعى اللى جواكى حتى لو ميهمش اللى حواليكى
انا يمكن زيك ماليش هدف من المدونه
بس ببقى مبسوطه اوى لما اقدر اترجم اللى جوايا لكلام او اكتب عن حاجه بشوفها او حاجه سمعت عنها
وبفرح اكتر لما بيجيلى تعليقات يمكن فى وسط الناس دى اتعلم حاجه ويبقى عندى هدف
اسلوبك رائع حتى وانتى مش عارفه بتكتبى ليه

deja vu said...

صباح الخير وكل سنة وكلنا بخير

انا بكتبلك عشان كم سبب

اولاً الان الشمس طالعة 8:41 صباحاً.. وانت وفنجان القهوة يا سلام
ثانياً المدونة دمها خفيف وحطيت اللينك بتاعك في مدونتي
ثالثا انا الزائر رقم 4444 .. ملعوبة صح؟
رابعاًالمدونة ، أقصد أي مدونة .. تحمل نقيضين .. مكان سري جداً جداً يلجأ إليه أحدنا عشان يقول كل اللي عنده بدون ما يشعر بقلق .. ثم .. هي صفحة في عين الشمس يقرأها كل من أراد .. ونتواصل بها مع الآخرين

قليل جداً هي الردود التي أجدها في مدونتي رغم إعجاب البعض بها ، لكنها مثل طفلي ، يمكن ما يلاقي دلع من الناس أو يمكن معذبني شوي لكني لا أجد لنفسي سوى أن اعطيه كل ما عندي من رعاية واهتمام

وفقك الله .. شخبطي يا ستي على كيفك واهلا بالضيوف .. ابقي شرفيني ودوقي فنجان قهوتي

rack-yourminds said...

كل سنه وانتي طيبه

ايه الغيبه الطوييله دي؟

ابقي طمنينا عليكي

احساس لسه حى said...

عزيزتى
ده عيبوا بقه الرحيل بدون اى مقدمات
ولا تبرير ولا وداع
انتى كنتى مقررة الرحيل فى البوست ولا كنتى عاوزه رائينا
اتمنا بس تكونى بخير وتردى على اللى دخل وعلق عندك ويا ستى بعد كده قولى انا اطلقت من المدونه ومش هخشها ولا هرد
احسن الغيبه دى غريببه بالطريقه دى
اتمنا خير يا رب
سلام

shayma said...

شموووووووسه
ايه يابنتى انتى فين كل ده
انتى وحشانى جدا وقلقانى عليكى
يارب تكونى بخير
سلامى ليكى وارجعى بسرعه

Bossy said...

السلام عليكم

ياتري شمسنا الجميله فين

ايه كل دا غياب
ياريت تطمنينا عليكي
ويارب تكوني بخير

shabfa2re said...

وانا اللى فاكر انى مأنتخ لوحدى
عودى يا هاميس

AbdElRaHmaN Ayyash said...

مش عارف هتقري الكلمتين دول وللا لا
بس التدوين مينفعش يبقى بهدف اكتر من اللي انتي كتبتيه ده
يا باشمهندزة المدونة مش مجلة
المدونة دي انتي
اكتبي لما تكوني عاوزه
متكتبيش لما متعوزيش
دي المدونات و الله بس

شادي فايد said...

أنا جاااااااااااي

نفسنا said...

http://modwn.blogspot.com/2007/11/blog-post.html

The Groom said...


:)

دمت بخير

تحياتي من ماناساس البلد

koukawy said...

miss u

moodysalihamidzic said...

كل سنة وانتم طيبين

mohamed hesham said...

بوست جميل

زى الهوا said...

مع انى اول مرة تقريبا ادخل مدونتك بس عجبنى اسلوبك , وباين عليها كدة حلوة , وبعدين ياستى خلى ليها هدف , استمرى حتى علشان تخرجى كل اللى جواكى وتلاقى حد يسمعلك , جايز فى وقت ما تحتاجى حد يسمعلك وماتلاقيش غيرنا احنا ياستى

shayma said...

شموسه

وحشتينى

Hosam Yahia said...

مدونتك جابتلى ضربه شمس يا مان
تشرفنى زيارتك على مدونه صوت الحريه

peace ya man
www.sotelhoria.blogspot.com

احساس لسه حى said...

عزيزتى
انتى فيين يا رب بخير
عاوزك تشوفى اخر بوست محتاج تعليقك
تعليق قاطع وصريح وواضح
سلام

كلام لوجيك said...

السلام عليكم ورحمة الله وبركاته
أين انتى يا أختى العزيزة؟؟ ولماذا هذا الاختفاء ؟؟ أرجو أن نراكى فى القريب العاجل وأن تستعيدي شهيتك التدوينية وأن تعودي ببوست قوي ومميز كما تعودنا منكى دائما
بعض الاخوة يظنون أنه من السهولة على الانسان أن يضع هدفا له فى (الحياة)التدوين ، اذا كان الأمر هكذا فلماذا غاب عنا الكثير والكثير من المدونين ؟؟ ولماذا تباعدت الفترة الزمنية بين كل بوست والذي يليه عند البعض الاخر من المدونين؟؟

ما أريد أقوله هو أنى اتمنى أن تستعيدى حماسك مرة اخري وأن تكتبى عندما تجدين ما تكتبين عنه ، لإن الكلام الخارج من القلب ..يجد طريقه لقلوب الاخرين بسهولة ويسر

فى النهاية أتمنى لكى كل التوفيق والنجاح وأرجو أن نطمئن عليكى قريبا جدا

دمتى بكل خير

اسامة سامى

shabfa2re said...

النهاردة عيد الحب
وياريت كلنا فى عيد الحب
نضرب كشرى من شيخ البلد
ونكتر الشطة
عشان نحس بشعوطة الحب
مع الاستماع الى اجمل ما قيل عيد الحب
حبينى واخلصى وفى قلبى لغوصى

Bongo said...

ليه بس , مع ان دي اول زيارة ليا ي بلوجك إلا اني حاسة انها مدونة ظريفة و كلامك لذيذ
جو اوووون يا بنتي و بلاش احباط
:D
تحياتي

moodysalihamidzic said...

ياريت حد بس يطمنّا عليها
:(

gannah said...

اسلوبك رائع...تحياتى

*جدع حتى الثمالة* said...

ana awl mara adkhl 3ala modawantk ......gamila khales... taheyaty

Unique said...

اولا مرسي على القهوة

ثانيا انا سعيدة اني اتعرفت عليكي

اتمنى تزوري مدونتي

تحياتي

مرهف الاحساس said...

والله عثل بجد
تحياتى
تقبلو مرورى
اخوكم
موزو
MoOoZoOo
ممكن تزورو مدونتى لسه جديده
محتاج رائيكم
موزو

enjy said...

انا اول مرة اجى هنا بس واضح انك حساسة يعنى وييجى منك يا ميس على فكرة باخاف من المدرسين اوى المهم انا عندى راى اقوله؟؟؟انا رايى ان الواحد يعمل الحاجة اللى هو عايز يعملها كويس اوى انه يكون عنده هدف منها بس ايه يعنى لما يكون بيستمتع بس؟ حرام؟ عيب؟ ما يصحش؟ المهم انك تكونى سعيدة المهم اكتر انك تزورى مدونتى ماشى؟

احساس لسه حى said...

عزيزتى
انتى فييين

كل المدة دى غيبة

طمنينا عليكى وقولى انك مش فاضية اقل شئ

ممكن


سلام

دعاء مواجهات said...

انا شكلى جييت متاخرة اوى

شكلك سبتى عالم التدوين اصلا

عموما انا واحدة من جمهورية ضربة شمس الدستور لو تسمعى عنها وزعيمهم الكبير خالد بيك كسااب

وانا ومجموعة من اصحاابى الضربشمساويين قررنا نعمل مدونة نسميها ضربة شمس

لان الاسم دة مقدرش اقولك اد اية غاالى علينا واد اية بيعنى لينا من معاانى

وعشان كدة اول ما لاقيت اللينك بتاعك عن احمد باشا الصباغ قولت لازن ادخل اشووف

بس لاقيتك بكل سهولة اتخليتى عن عالم التدوين

ولذلك

انا بخبرك اننا اخدنا الاسم حتى قبل ما نعرف ان حد مسمى مدونتة بالاسم دة

بس احنا بقى جمهورنا هيتابعنا وكلنا هنكتب

الكتابة من اجل الحياااة

تحيااتى ليكى.......

Tamer Nabil said...

انتى فين يابنتى ليكى وحشة بجد

باين عليكى اتجوزتى والعريس منع النت عنك هههه

يارب تدخلى وطمنينا عليكى

تحياتى

إبراهيم محسن said...

ازيك يا شمس

من الهام بعد تحديد الهدف الإقتناع به ثم السعي إليه
بس الموضوع مش كبير قوي كده
أعتقد أنه يكفي أننا نقول عندما نريد أن نقول
فإن ما يضر الجراح هي أن نترك ما بها من عفن دون استئصاله
فيكبر العفن وينتشر حتى يقتل صاحبه

فلنخرج ما بنا من عفن
كي لا نموت

تحياتي

كلام على بلاطة said...

كل ضربة شمس وانت طيب
كل عام وانت بخير

Anonymous said...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

Die said...

الله ينور

يعني هو انا كنت عامل حاجه كده صغيره و هيشرفني

زيارتكم الكريمه

و ارائكم

بجد

balckrain.blogspot.com

مدونة غزة عربية said...

مدونة غزة عربية تساعدك لفعل شىء لغزة أولا كيفية التبرع بالمال و أماكن التبرع بها و كيفية التبرع بالدم وأماكنها أيضا, ثانيا مقاطعة المنتجات الامريكية والاسرائيلية , ثالثا الدعاء لهم بأن يثبتهم , رابعا توجد أرقام تليفونات للاتصال بأهل غزة, خامسا بعض الفديوهات و المقالات المؤثرة , سادسا تعريف الفوسفور الابيض وآثاره الصحية,سابعا ذنوبنا سبب تعسهم.
Gazaarab.blogspot.com

حواديت وحكاوي said...

مش لازم تكتبي علشان هدف معين
اهم حاجه تحسي ان الي انتي بتكتبيه ليه هدف عندك انتيمش عند الناس
كل واحد عنده مدونه بيكتب علشان نفسه وعلشان يشوف الي بيكتبه ده صح ولا غلط
وردود الناس هيه الي بتبين كده
يعني انا مثلا عاكل مدونه بتاعتي بقالها 1 سنه وكسور

وما بكتبش حاجه خاااالص
مع ان السنه الي فاتت ديه كان فيها احداث كتيره جدااا
وحاجات كتيره تحرق الدم وبرضه الواحد ما كتبش ولا زار مدونته حتي
اهم حاجه تكتبي علشان انتي ترتاحي
في ناس تانيه الحضور عندها والافكار عندها كتير
وفي ناس وي وزيك مواضيعهم قليله
بس احنا كده وهما كده
وصوابعك مش زي بعضها

TheGrace website / موقع النعمة said...

Warm welcome to Alnemat TheGrace Arabic Christian Internet Magazine, We love you! Please visit us at:

In TheGrace opportunity to meet Jesus the Savior / في النعمة فرصة للقاء المُخلِّص يسوع المسيح
http://www.TheGrace.net

Salvation pardon peace life certitude mercy in Jesus / خلاص غفران سلام حياة يقين رحمة في المسيح
http://www.TheGrace.org

Arabic Christian Magazine The Grace offering the Arabic Bible / النعمة تقدم الإنجيل الكتاب المقدس
http://www.TheGrace.com

نتمنى لكم الفرح والسلام والمحبة لأن السلام افضل من الحرب والمحبة افضل من الكراهية كما ان النور أفضل من الظلمة
سلام لكم في محبة الله.نتأمل زياراتكم الكريمة لموقع النعمة موقع مجلة النعمة يقدم كلمة الله الكتاب المقدس الإنجيل رسالة السيد يسوع المسيح قراءات مختارة مواضيع مصيرية قصص واقعية شهادات شخصية ترانيم ممتازة ردود مؤكدة كتب بنّاءة رسوم تسالي تأملات يوميات
Bible audio Read search in Arabic Studys Stories Testimonies Hymns and Poems Answers Books Links Daily devotions Acappella Music Graphics /
Alnemat Journal Arabe Chrétien La Grâce la Revue Arabe sur Internet offre La Sainte Bible Al-Injil L’Evangile de Jésus Christ gratuit, Bienvenue a La Grâce.