31 May 2009

وحشتيني يا مدونتي

من أغسطس 2007 لمايو 2009 ولو انه اخر يوم في مايو بس كتير كتير اوي .. يا صبر أيوب

وحشتيني يا مدونتي

وحشتني قعدتك وحشتني قراية مواضيع المدونين وحشتني الفضفضة والكلام هنا
قعدت اقرأ التدوينات السابقة لي وتعليقات اصحابي المدونين وردودي عليهم حسيت اني كنت بني ادماية مختلفة عن البني ادماية اللي بتقرا دلوقتي زمان كنت بحس بمتعة وانا بكتب تدوينات وانا بقرأ تعليقات لكن دلوقتي اللي خلاني اجي واكتب فيها .. الحنين .. بسترجع الإحساس الحلو .. بحاول اتلمس طريقي وعارفة اني استاهل عتاب وملامة اصحابي اللي هجرتهم وانسحبت وسبتهم

انا مش بكتب دلوقتي عشان ارجع تاني اكتب زي الأول .. لأ .. انا بس بكتب عشان حسيت اد ايه محتاجة لمدونتي .. محتاجة اشم نفسي تاني واحس بشوية حرية
مش قادرة اوعد نفسي اني هتابع .. بس الأمل في الله كبير

11 comments:

Unknown said...

الف حمدلا على السلامة

اية رايك بقى مش الاحساس اللى حستية دة ميجيش بالجمال دة لو ادفع فية مليون جنية

اتمنى متغيبيش تانى

max.adams said...

Baaaaakaaaaa onii san

nanda atenda temera
sashi bori da na >>>

heba said...

أووبس
اتقفشت

انا كنت بكتب ومش متوقعة حد يدخل ويقفشني .. الله يسلمك يا أستاذ واحد
طبعاً الإحساس ده ميتقدرش ولو بمليون جنيه
شكرا وإن شاء الله مغيبش تاني بس بجد اعذرني لو ترددي على مدونتي قل بس أنا من رأيي أهو أحسن من مفيش

heba said...

أخي العزيز المتنفنكش دائماً

للي عايز يفهم اللي أخوي كاتبه .. ركزوا معاي
أولاً اخي العزيز كاتب تعليقه بالياباني
ثانياً اللي مكتوب ده في أول سطر شتيمة بالياباني وفي نفس الوقت باحترام يعني اخوي بيقوللي في السطر الأولاني يا حمقاء يا أختي الكبيرة
أما في السطر الثاني فبيقوللي "ايه اللي كنتي بتهببيه ده" طبعاً يقصد غيبتي اللي طولت بالسنين
أما السطر الثالث فمعناه
LONG TIME NO SEE

أخي العزيز
شكراًعلى تعليقك اللذيذ والمعبر وأنا مقدرة ظروفك عشان انت ألحيت علي اني متخلاش عن مدونتي بالسهولة دي ودايماً كنت بتفكرني بيها اني ارجعلها بس انت متتصورش انا كنت ببقى معذبة بعيداً عنها قد ايه وأنا معرفش ذات نفسي ايه اللي حصل لي اياميها

الحمد لله

heba said...

ملحوظة أخيرة : لو سمحت يا فنكوش متشتمنيش على صفحات الجرائد وإلا هقول لماما

max.adams said...

O WARI WARI

GOMINNA SAI

><

HOPE TO SEE YOU AROUND AGAIN (^_^)

><

سلاحف

heba said...

لأ بقى انا مش هشتغلك مترجمة على أخر الزمن وياريته من دماغي ده انت اللي بتمليني الترجمة كمان

ياجماعة
اخوي بيعتذر لي بالياباني برده
بيقول انه أسف الظاهر خاف لما هددته بماما

كويس

المهم اعتذارك مقبول يا اخي العزيز وان شاء الله تشوفني أروند

سلالم

حبات التوت said...

ياهووووووووووو

اخيرا رجعتى ياقمر

انا لالاسف لما عرفت مدونتك كنتى انتى رحتى ومشيتى

يلا ماتغبيش عنا تانى

ازاى قدرتى تبعدى كل دة ازاى جاللك قلب

بين السما والأرض said...

أنا أول مرة ادخل عندك بس تصدقى اول ماسمعت منير اتخضيت وقلت الصوت ده جاى منين بس لما استوعبت فرحت قوى ...بس كلامك ده يزعلنى لازم ترجعى لمدونتك وتخلى بالك منها لانها هى اللى هتخلى بالها منك..خديها منى حكمة..تمسكى باى امل ف الحياة وحتى لو كان اخر امل ...انا ضيفه جديدة عندك ومينفعش الضيف كل ماييجى ميلاقيش حد..كلبشى بايديكى وسنانك مهما كانت الظروف بحاجه بتفرحك زى مدونتك اتمنى اشوفك دايما بخير
عذرا ع الرغى الكتير
تقبلى تحياتى

Tamer Nabil Moussa said...

حمد الله على السلامة شمس

فى انتظار عودتك


مع خالص تحيات

احساس لسه حى said...

انت فين يا بنتي