لما البنت بتتحط في موقف محرج قدام ولد او معجبة بيه وبيكلمها مثلاً تحس علطول ان الدنيا برد وصوابعها متلجةعكس الولد تماماً لما بيتحط في نفس الموقف بيحس ان الدنيا حر وعمال يصبصب عرق من كل حتة
ليه الفرق في المناخ عند الاتنين اكيد في سبب علمي طبي فيزيائي فسيولوجي
حد عنده فكرة ؟
37 comments:
هو فعلا الولد بيعرق وبتقي حالته صعبه كتيرهههه بس لسه هعرف منك ان البنت بتكون العكس ,بس انا شايف البنت في تلك الحال وضعها احسن من الولد يعني احراجها ده مش بيحس بيه حد غيرها هيا ,اما الولد فكل اللي هيشوفه هيضحك عليه هههه
تأكيدا على كلامك ,, ومش اجابة ليه
لو تلاحظو اعلان لكلوس اب على ما اذكر
بيجيبو البنت بتموت من التلج لما تشوف صاحبها ولا اللي هو مش عارفة مين
وحتى الشب الروش بيتقال عليه
cool
بينما في نسخة تانية من الاعلان بتشوفو الولد لما بيشوف بنت حلوة بيموت من الحر وبنقول على البنت الحلوة
hot
انا عن نفسي كنت بحس بالحر ههههههه بس مش عارفة اذا الموضوع ده له تفسير طبي يعني
هو انا علقت هنا قبل كدة ولا لأ ؟
تحياتي
لأ معلش الولد مش بس بيحس بالحر وبيعرق ده كمان بيكون عايز يدخل التويلت وكمان مش بيقول كل اللى هو كان عايز يقوله ولسانه بيتعقد وتلاقيه كمان بيتلجلج وكفاية بقى انا كده بسيح للولاد بس كسبب علمى أو طبى ماعرفش بس هاتابع المدونة لحد مالاقى حد جاب سبب
واحد
اه والله دي حقيقية عند معظم البنات انهم بيبردوا بس احسن حاجة بجد انه محدش بيحس بإحراجها غيرها
هههههه
مش قصدي اضحك ع الشباب والله بس الحمد لله بجد انه مش بيبان علينا
*************************
علا
ايو يا جميل انت نورتيني قبل كده ويارب تنوريني علطول
انا جه في بالي الإعلان ده وانا بكتب
انا بقى كنت بحس بالبرد هههههه
بس اكيد الموضوع ده له تفسير طبي فسيولوجي
**************************
محمد
ده انت سيحت للولاد خالص يا محمد مش هيسيبوك في حالك
يارب حد يعرف سبب ويقول هنا ضروري يا جماعة
عايزين نفهم نفسنا وطبيعتنا اكتر
سلام
تصدقى فعلا
ايه الملاحظة الجامدة
عايزة اقول لواحد ان احيانا البرودة بتقلب رعشة فى الايد فى حركة الشفايف يعنى بيبان برده وبيبقى شكلها بااااااايخ
مستنية تفسير :D
هههههههههههههههههههههه
ازيك يا شموسة
وحشاني على فكرة
ازيك؟ بعدتي ليه عنا؟
انا عارف ليه
هو الارتباط سيكولوجي أكتر منه فيسيولوجي
والاجابة هي
الحب عند الولد بيبدأ كرغبة فسيولوجية أولا
وبالتالي بيأثر عل الجانب الجنسي عنده
فتزداد ضربات القلب وتتسارع الدورة الدموية
ومن ثم بترتفع درجة حرارة جسمه
أما البنت العكس
بيبدأ الحب سيكولوجياً
يعني بتحس بيه بروحها مش بجسمها
بتتوتر
وبالتالي ضغطها بيوطى
والجسم يبدأ يهرب
وبيسموه
الروح بتتسحب
بس تعليق علا كان جامد برده
تحياتي يا شموستي
والله ملاحظة جميلة جدا
احييكى على قوة ملاحظتك
اعتقد فعلا الفرق بيرجع لسيكلوجية الانسان
بس اللى كنت افتكره فى موضوع الاحراج دا ان فى الغالب الاتنين وشهم بيحمر
تحياااتى ليكى ولبوستاتك المميزة
:)
ده راجع لسبب واحد بس
ان الولد قلبه سخن و حار بركان فاير كله مشاعر و احاسيس
و البنات قلوبهم تلج ساقعة و برد و الكبيريت مبيولعش فيها
و اوعي تزعلي
و سلام مؤقت
تصوري هو ده حقيقي فعلا بس السبب الله اعلم
نفسنا
ما هي دي المشكلة
انه بيبان عليهم هم الاتنين بس بجد الشاطر اللي يعرف يخبي
وأنا كمان مستنية تفسير معاك
شكراً لمرورك يا قمر ونورت المدونة
**************************
إبراهييييم هيمااااا
ازيك يا إبراهيم
والله انا بعدت عن المدونة بتاعتي وبتاعة اصحابي والكمبيوتر والنت
بس على رأيك انا مرتبطة بيكم سيكولوجياً الأول وبعدين فسيولوجياً
عجبتني كلمتك دي اوي وتفسيرك للبرودة والحرارة واختلاف المناخ عند الجنسين
وهعتبر كلامك عن البنات مجاملة رقيقة بجد لأنك قلت انهم بيحسوا بروحهم الأول
تحياتي وسلاماتي ليك
******************************
حدوتة
يامرحب يا حدوتة حلوة
أكيد طبعاً السيكولوجي هو المحرك الأساسي لأي حاجة بتحصل في جسم الإنسان ، كلامك صحيح مية في المية الاتنين وشهم بيبقى طماطماية وبيبقى باين عليهم خالص
*******************************
شاه
انت ليه متحامل على البنات يا شاه
ومش عايزني أزعل
لأ طبعاً البنات معروفين بالعاطفة أكثر من الشباب مش زي مانت بتقول خالص بس الفرق ان الولد ممكن ميعرفش يتحكم في مشاعره ورغباته قد ما البنت تقدر
وده لصالحها طبعاً
Peace
out
****************************
كوكو الكميل
الله يا كوكو انت موافقاني
ما احنا بندور ع السبب سوا أهو
همتكو معانا يا جماعة
والله انا حضرت الموقفين دول
موقف فى أول البلد والتانى فى آخر البلد
لالالالا
انا كنت بحسب انك بتتكلمى عن موقف عربيات
الموقف الاول بتاع البنات انا شوفته مع بنت كنت ها كنت بحبها بس كان ناتج انها كانت خايفة من حاجه معينه عشان كده انا عمرة ما هنسي صوابعها وهى تلج اما الموقف التانى بقى بصراحة انا مجربتوش
أما بالنسبة للأخ شاه اللى عدوانى على البنات انا بقوله يا بنى بلاش خليك حنين يا اخى على البنات يمكن تلاقى حد تتجوزها خلينا نخلص بقى ونجوزك مع العلم ان شاه اعز اصدقائى
جزاك الله كل خير
عزيزى
الموضوع ليه احتمالات كتيره اوى
البنت ممكن يكون دمها بارد شويه والولد دمه حامى ده احتمال يزعل
البنت ممكن تكون اعصابها فى ثلاجة اما الولد دايمن اعصابه فى فرن مولع
شوفى وبجد
انا اظن وده بدون سند علمى ان البرود بيحصل لللى عندهم خجل زياده ومعظم البنات كانوا عندهم خجل زياده اما الحراره الزايده بتحصل لللى وشهم مكشوف او للى معندهمش خجل ومعظم الاولاد مش بيخجلوا
وهسأل واقولك واتاكده
سلام
مش عارفة ارد على سؤالك بس هو كلامك صح اوييييييييييييي
يعني انا مثلا اول مرة قابلت الولد اللي كنت بحبه كانت ضوافري زرقا في شهر مايو:)
كلام صحيح بس مش عارف ايه السبب بالضبط
عبده
موقف عربيات !!! ماشي يا عبده
لأ وكمان أثبت بالتجربة العملية .. جميل جميل ويارب الأخ شاه يروق شوية
*****************************
حسام
أنا عزيزتك يا حسام مش عزيزك .. ده أولاً
ثانياً .. الاحتمالين الأولانيين بصراحة يزعلوا
بس لما دخلت في الجد خلاص قلت كلام معقول بالنسبة للبنات ، أما الولاد فمش لدرجة ان هم وشهم مكشوف ومش بيتكسفوا .. لأ لعلمك في ولاد بيتكسفوا وكده زي ما "محمد" قال
وشكراً كتيير
*****************************
لمياء
مرسي يا لمي يا حبيبتي
انت كمان شايفة ان كلامي صح
بس انا عايزة تفسير علمي يا كماحة
لازم افهم ايه اللي بيحصل فينا
*****************************
عبد الرحمن
أنا بقى ممكن أفتكس سبب ان هم الاتنين بيكملوا بعض يعني بدل ما الجو يولع او التلج يتساقط .. تقوم هي تعمل ترطيب للجو الحار .. حلوة دي
بس لسه ده مش سبب علمي
يكونشى الولد مكسوف
و عنده كسوف اكتر من البنت
أو ممكن مشاهر البنت بدل ما تطلع لبره و تظهر عليها بتكتمها فالمعاناه بتبقى فى الداخل
و المرأه من طبيعيتها ما بتحبش تظهر اللى بتحسه
اما الراجل فا مكشوف
مشاعره على وشه
و اللى فى قلبه على لسانه
عزيزتى
غلطه كتابيه بس
تانى شئ لما بقول الخجل وان الخجل بيسبب بروده وده اكتر فى البنات
والخجل قليل فى الاولاد فبيحصل العكس
يبقا كلامى مش بيعم يعنى بقصد الاغلبيه
ولا الخجل دلوقتى اتعكس والدنيا بقيت بزراميت ومحدش عارف حاجه ...يمكن
سلام
انا اقولك
السبب
ان البنات لما بتنحرج ..الدم .. بيجمد في عروقها، فابالتالي... مافبش حركة للدورة الدموية
فا بالتالي,, بيصير فيه برودة
اما عند الاولاد..
فا
ماعنهدمش دم
علشان يتجمد وبالتالي العملية بتسخن
:)
الشكر لك العمل وعلى درجة جيدة في عطلة نهاية الاسبوع
هو يمكن انا مش عارفه السبب عشان الأعراض عند الكوكوهات مختلفه
هههههههه
ايه يا شمس انتى لسه ايدك بردانة ولا ايه ما تشوفي تدوينة جديدة وسعيد بزيارتك مدونتي المتواضعة
انا لسه مجربتش والله لو عندك فكرة قوليها مع تمنياتى بزيارتى فى مدونتىالرياضية المونديال
إسلام
يعني عندك الكسوف بالحرارة كل ما الحرارة تزيد كل ما الكسوف كان أكتر .. ممكن برده
بس حقيقي جداً جداً ان مشاعر البنت وتفاعلاتها كلها دايماً بتبقى داخلية .. وانا بقول ان السبب هو انها دايماً بيتحكم عليها من مظهرها والناس بتسيء الظن يعني لو بان عليها حاجة من مشاعرها بتتاخد عليها وده للأسف الشديد بيخليها تلجأ لإخفاء كل شيء داخلها
أما بقى ان الراجل اللي في قلبه على لسانه .. انت أدرى
**************************
إحساس لسه حي
انا مكنش قصدي ازعلك يا حسام
الخجل موجود في الاتنين طبعاً دي طبيعة في البني ادم بس هو بيختلف في نسبته عند كل واحد فيهم
سلام
*****************************
طهقان
حلو اوي السبب اللي انت قلته
وكمان شكله كده علمي مادام فيها عروق ودورة دموية
اخبارك ايه انت وطهقانة اليومين دول ؟
****************************
mr. david
thanx
****************************
كوكو الكميل
نو بروبليما يا كوكو اهم حاجة ان الكوكوهات تحب بعضها وكل حاجة هتبقى تمام
*****************************
عبد الرحمن
لأ انا مش بردانة خالص يا عبد الرحمن الحمد لله الشمس والدفا كلهم عندي
لسه البرد مجاش عندنا
وعندك واحد تدوينة وصلحووو
*****************************
مونديال
خلاص لما تجرب ابقى تعال قول رأيك في اللي حصل
وهزور مدونتك ان شاء الله رغم اني مليش في الكورة خااالص
مفيش بوست جديد
انا الرقم 26 اللي بصبح عليكي
..
أحييك
..
سؤال مهم علمياً، أظن أن الحب طاقة كهربائية، كما أثبتت الدراسات الحديثة، وكما رآه الفلاسفة القدماء كذلك،
هذه الطاقة تذيب كل قلبين وروحين وجسدين في كيان واحد، كل ذلك بفعل هرمونات الحب، التي تختلف من المرأة للرجل
فهناك خمسة أنواع من الهرمونات:
بالنسبة للرجل: هرمون التستوستيرون وهرمون الغدة النخامية
وبالنسبة للمرأة لديها ثلاثة أنواع، هي هرمونات: البرولاكتين والبروجيستيرون والاستروجين والاستروين
المهم، بالنسبة لسؤالك هو هرمون التستوستيرون عند الرجل يقابل هرمون الاستروجين عند المرأة
وهما المسؤلان عن تلك الحالة من إختلاف رد الفعل
هذا ما قرأته مؤخراً
..
أحييك
على فكرة هو الموضوع نسبي حسب شخصية كل واحد وواحدة انا اعرف ولاد بيبردوا وبنات بتحس بحرارة يعني ملهاش قاعدة ثابتة بس في كل الحالات اللحظة دي من اجمل اللحظات في حياة اي واحد وواحدة
تحياتي
المشكلة مش فى السبب
المشكلة
هو فى حد النهاردة بيتحرج؟
:(
السلام عليكم
انا جيت اسلم علي احلي بنت ضربشمساويه في الدنيا
وحشتيني جدا
بجد اول ما توصلي لاجابه او حل
قوليلي
بس في مرة واحده كانت في الموقف دا
سبحان الله كانت ابرد من لوح التلج
حنيقه حنيقه يعني مع انها في العادي بتتكسف من خيالي
ودايما تحسي انها محرجه
تحياتي
Salaam from chile, Southamerica!
I admire very much arabian culture, my grandparents from my mum was from Syria...
Please, visit me and send a comment, even an arabian:)
shukran!!
وشى بيحمرررررررر وبعرققققققق
بس فى ناس قالولى يا ابنى الكسوف الزيادة عن اللزوم ده مش حلو
بحاول اكون جريء شوية
بس المهم انى ما ادوسش اوى فى الجراءة عشان ما اوصلش لدرجة البجاحة اللى بشوفها
بس لما يكون الجو حر واعرققققققق ده مش معناه انى محروج او مكززززززوف
حاولوا تفرقوا بقى
وبعدين ايديكو بتتلج ازاى فى عز الحر ده
ازيك يا شمس
عاملة ايه
مستنيين جديد
وحشتينا اوى
ليكى تاج عندى على فكرة
تحياتى يا قمر
wahed
أنا مش بقعد كتير للأسف عشان كده في فترة جامدة بين كل جديد والتاني
عذراً
*******************
إمام الجيل
أكيد لازم اعرف الموضوع هيتم فيه ايه وشكراً على دعوتك
*********************
shah
صباحو زقزقة يا معلم
********************
محمد
"تذيب كل قلبين وروحين وجسدين في كيان واحد"
على الرغم من مدى رومانسية الجملة دي إلا إن معلوماتك سليمة وبشكرك عليها
تحياتي
**********************
انت حر
أكيد طبعاً الحاجات دي بالذات نسبية وبتختلف من واحد لواحد ومن واحدة لواحدة بس الصراحة اللي انا قولته بيحصل في الأغلب الأعم
ولكن أياً كان من المؤكد أننا نتفق جميعاً على أن اللحظة دي من اجمل اللحظات في حياة اي واحد وواحدة
تحياتي
***********************
مودي
طبعاً يا مودي في ناس بتتحرج النهاردة بس هتلاقيك مقابلتش حد منهم لسه عشان كده واخد فكرة انهم معادوش موجودين
سلامي لك
************************
بوسي
متشكرة اوي يا بوسي الجميلة على سلامك الحار وانت كمان وحشتيني اوي وانا فعلاً وصلت لحاجة وهقولها بس الواحدة اللي انت بتتكلمي عليها دي استثناء من القاعدة
تحياتي وسلاماتي الحارة ليكي
**********************
mr.eduardo
ur absolutely welcome in our arab blog world and sure i'll come and visit
c u
*******************
محمود
أكيد طبعاً يا محمود في فرق بين عرق الحر وعرق الكسوف .. هو يعني خلاص يعني .. المهم ابقى خلي معاك مناديل احتياطي
*******************
حدوتة
ازيك يا حدوتة حلوة
وحشتيني انا كمان
وانا هاجي حالاً عشان التاج
سلام
مش عارف سؤال غريب اوي
بس يمكن عشان الولد و البنت بيكملوا بعض
الموضوع مش سهل خالص بس ممكن يتفسر على انه تخاريف خلايا
مشيها يا شمس
شمس ...هى دى حقيقة علمية فعلا ؟
اصل انا بيتهيألى ان البنت برده هترتفع درجة حرارة جسمها
وده فى اى موقف محرج سواء كان مع ولد او مع غيره
دى طبيعة الاحراج
ولا ايه؟؟؟
؟؟؟؟؟؟؟؟؟؟
والله ما عارف
مجربتش
Post a Comment