30 June 2007

خلاص .. فلسنا


للأسف الشديد يا جماعة حالة الحب اللي في البوست اللي فات اتبخرت في الحر بتاع اليومين دول خصوصاً لما مريت بالموقف العصيب التالي

كنت رايحة اصور ورق وفي الطريق عدى جنبي 2 شباب واحد فيهم كان بيتكلم بصوت عالي ومتنرفز اوي وبيقول لصاحبه

خلاص يا بني .. قفلت في وشي من كل ناحية .. معدتش عارف اجيب فلوس .. اجيب منين

ساعتها قلت لنفسي ومين سمعك .. واحنا زيك كتير
كتير قوي

29 comments:

Shreif fahmy said...

أيتها الضربة الشمساوية
ميرسي كتير على تعقيبك وان شاء الله أكون عند حسن ظنكو وتعجبعكوا الاجزاء اللي جاية من يوميات محتار في السنترال

وبالنسبة للفلوس لما تلاقيها ضاقت قوي
افتكري الاية اللي بتقول
وجعلنا من بين ايديهم سدا ومن خلفهم سدا فأغشيناهم فهم لايبصرون

Hadota said...

الفلوس رزق
ومحد عارف زرقه فين
انا سمعت ان لو هرب ابن ادم من الرزق كما يهرب من الموت لادركه الرزق كمان يدركه الموت
وبعدين يعنى الفلوس مش كل حاجة مش هيا اللى هتموت الحب
انا مثلا اخر الشهر ومش معايا ولا كليم بس مبسوطة برده
تحياااااتى

Bossy said...

السلام عليكم

ازيك يا شمس
ان مع العسر يسر
مع كل عسر في يسر
معاه مش قبله ولا بعده
وبعدين انتي سمعتي واحد علشان كان بيتكلم بصوت عالي اعتقد ان الكل كده
ربنا يرحمنا

shams said...

شريف

اكيد هتعجبنا ان شاء الله انت خلاص بقيت كاتب قد الدنيا

ونعم بالله فعلاً
************************
hadota

صحيح ان كل واحد رزقه بيبقى مكتوب له من قبل ما يتولد بس احنا بنتكلم على ساعة الضيق على ما الرزق ده ييجي فاحنا مقدمناش غير الصبر

واتباع نصيحتك فعلاً الفلوس مش كل حاجة ويارب تفضلي مبسوطة علطول
**************************
bossy

حلوة اوي الحتة اللي خليتيني اخد بالي منها ان العسر واليسر مع بعض مش واحد قبل التاني

ربنا يفك ازمتنا كلنا يااااااااااارب

wahed said...

الله يكون في عون الشباب الايام دي

المهاجر said...

معلش عندى تعليق ضربة الشمس لها علاج او قد تؤدي للموت اما ما نحن فيه
فليس له وصف من اساسه حتى يوصف له العلاج
السلام عليكم ارجو مساعدتكم هذه فكرة ممكن تكون تحوير لفكرة ياسمين مش مهم مين صاحب الفكرة المهم نكسر القيود و صوتنا يهز الغول
الفكرة مطروحة على مدونتى فارجو المشاركة او ابداء الراي
http://eg-migrator.blogspot.com/

الطائر الحزين said...

السلام عليكم

المشكلة مش فى الفلوس المشكلة فى هنصرفها فين طبعا بهزر من الحالة اللى احنا فيها
لكن انا مقتنع بشىء
لو انكم تتوكلون على الله حق توكلة لرزقكم كما يرزق الطير تغدو خماصا وتعود بطانا

تحياتى

Amira Hassan said...

يالهون يالهون هو الموضوع استفحل كده و انا اللي كنت فاكره انه حالة خاصة نيهاهاهاهاها

Hadota said...

انا كنت بقول مبسوطة من كام يوم
بس لما الشهر الجديد جه ومش قبضت حسيت انى ادايقت بقى

أميرة البلطجية said...

مش حستسلم للاكتأب الصباحي ده يا شمس
الشاب ده ممكن يستغفر كتير ويقرا صورة الواقعة وصدقيني الفلوس حتجيله من حيث لا يحتسب
tried and true ;)

Shreif fahmy said...

أنا بس أجي وأطمن وأسأل كله تمام ياشمس الشموس

koukawy said...

لأ احنا مش زيوا كتير احنا كلنا كده
ربنا يسهل للجميع

tohamy said...

الفلوس رزق و الحب رزق
محدش هياخد اكتر من نصيبة

shams said...

wahed

يارب يكون في عوننا جميعاً يارب
شكراً لمرورك الكريم
****************************
المهاجر

احتمال كبير الطب يتطور على أيامنا يا مهاجر .. خلي عندك امل أمال
****************************
الطائر الحزين

انت كده حطيت ايدك على المشكلة الحقيقية

وادينا بنسعى ونتوكل على الله وربنا يسهل
***************************
أميرة

شفت يا أميرة الحال وصلت بينا كلنا لغاية فين
بقينا بنتكلم بصوت عالي في الشارع
فاضل ايه ؟ مش عارفة
*****************************
حدوتة

شفت يا حدوتة الحالة اللي انت فيها .. اهي دي اللي انا فيها دلوقت اصلاً بيقبضونا شهر متأخر يعني شهر 6 اللي فات ده هقبضه ف اخر 7 وهكذا

بالذمة مش حاجة تخنق
ده حتى الرسول -صلى الله عليه وسلم- بيقول فيما معناه "اعطوا الأجير اجره قبل ان يجف عرقه" هنعمل ايه بس

shams said...

برينسس

tried and true ? really .. wow
تعرفي يا برينسس انا قريت ان قراية سورة الواقعة قبل النوم تمنع الفاقة وماشاء الله اتحققت زي ما بتقولي

بس ده اكيد مايمنعش السعي في الرزق وبدون تواكل

جزاك الله خيراً يابرينسس
******************************
شريف

كله تمام يا شريف بجد انت دايماً بتنور مدونتي لما بتيجي
******************************
كوكاوي الكميل

يارب يا كوكو .. يا مسهل لينا كلنا
************************
tohamy

عجبني انك غيرت توقيعك مكنتش بحب اكتب انك بني ادم مع وقف التنفيذ مع ان ده من اختيارك بس تهامي احسن
انت حطيت اهم حاجة جنب احلى حاجة
صحيح محدش بياخد اكتر من نصيبه لا في الفلوس ولا في الحب

max.adams said...

يا جماعة رزق اتجوز ماتجيبوش في سيرة الناس

أنا بكلم واحد صاحبي في الحوار ده قاللي روح قدم حربيه

نفس الواد بعدها بأسبوع غير رأيه قاللي تاجر في الحشيش

بقول لواحد تاني أنا مخنوق ممعاييش ولا مليم قاللي تاجر في الحشيش

واد تالت بقوله أنا اتخنأت من الدنيا قاللي اشرب حشيش

مع انهم كلهم ملهمش دعوه بالبتاع ده نهائي هم آخرهم سيجاره كليوباتره أو واحد ال ام يخمسوا فيها
بس الظاهر كانوا مهيسين هما كمان

shabfa2re said...

بس تعرفى انها تفرق كتير بين شاب وفتاة

Anonymous said...

مشااااااكب الدنيا بتيجى من حاجتين ...يا قلة عقل يا قلة فلووووس

دوروو هاتلاقوهم وراا كل مصااايب الدنيا

ضربشمساويه said...

مشااااااكب الدنيا بتيجى من حاجتين ...يا قلة عقل يا قلة فلووووس

دوروو هاتلاقوهم وراا كل مصااايب الدنيا

انا اللى فوق بس نسيت اكتب اسمى...ودى حاجه مهمه

islam yousef said...

مش كتير و لا حاجة
لأن أصلا كله زى بعضه
الحاله واحده
بس مش أوى يعنى
الناس اللى لسه بيقولوا الفلوس مش هيا كل حاجه
زمنهم راح و انقضى
و بقوا موضه قديمة
بس ممكن تلاقى ان كلمتهم دى تنفع فى المواسية و راحة البال

طهقان said...

ايه يا شمس

طب مش تقولي


حد عايز فلوس سلف تاني


رجعيهم على مهلك بقا يا شمس

hana said...

فعلا الشباب كلها ربنا يكون فى عونها

Islamist Bloke said...

الحياة كدة

يوم حلو و يوم وحش

كلنا بنتزنق بس ربنا كاتب لنا رزق معين هناخده هناخده

اللهم اجعل لنا رزقا فى الجنة

الله امين

تحياتي

والسلام

shams said...

ماكس

أمال معزمش حد على فرحه ليه ؟ مش كنا عرفنا وسبناه في حاله
شكلك مهيس انت كمان
مقولتش هتعمل ايه في الموضوع ده ؟
***********************
شاب فقري

تفرق ازاي يا محمود ؟ مش تشرح
ماهي البنت دلوقت بقت بتشتغل هي كمان وبقت بتحتاج فلوس زيها زي الشاب
************************
ضربشمساوية

يا أهلاً بيكي في بيتك ومطرحك
نورتيني بجد والله
"يا قلة فلوس .. يا قلة عقل" والله حكمة وف محلها بالضبط
شكراُ على رأيك القيم يا ضربشمساوية

إشطاط
***************************
إسلام

يعني اعتبر كلامك ده مواساة وترييح بال
ماشي يا سيدي
يارب يريح بالنا كلنا ياااااااارب

تحياتي
**************************
طهقان

أرجع مين يا أستاذ طهقان
هو انا معاي ؟
هات انت سلف وبعدين نبقى نتحاسب
**************************
hana

آمين
يارب يكون في عون الشباب كلها بما فيهم احنا الفتيات كمان

كلنا كلنا يعني وكبار وصغيرين
*************************
islamist bloke

حقيقي كلامك مضبوط جداً
وعلى رأي المثل : تجري جري الوحوش غير رزقك لن تحوش

مهما الواحد عمل رزقه اللي هياخده مكتوب له عند رب العالمين

وانا بأمن على دعاءك
آمين يارب العالمين

تحياتي واحتراماتي

wahed said...

مفيش بوستات جديده ,يلا عاوزين حاجه جديده

3abdo me7tas said...

انا اول مرة أخش المدونة دى
والبوست ده صدمنى جامد اوى بقى انتى كمان مش معاكى فلوس
وانا اللى بقول هخش المدونة دى يمكن اصعب على صاحبتها وتدينى 10 جنيه سلف
يا خسارة
المنحوس منحوس حتى لو علقو فى ودانو فانوس
:d:d:d

الأباصيرى said...

شكلك بترسمى عشان تلمى تبرعات فى البوست الجاى

بلاش الحركات دى ... مفقوسة
:)

50% من الشعب المصرى معدوم الفلوس
و49.99% الشعب المصرى على فيض الكريم
وواحد بس من الشعب المصرى فاحش الثراء ( ربنا يخلية للشعب اللى بينتخبة)
:(

وأنتى عاملة اية دلوقت
الأباصيرى

may said...

الحكايه مش حكايه فلوس
هيا قافله من زمان اصلا
بس احساس غبي اوي
انك تحس باحباط بعد حاله ابتهاج وفرح
وده الفرق اللي ظهر اوي بين البوستين
مفيش حاجه مستاهله
صدقيني كله بيعدي بس بلاش الاحباط
واللي جي دايما احلي

shams said...

واحد

حاضر من عيوني
هخبز واحد سخن حالاً أهو
**********************
عبده

10 جنيه
منيييييين ؟؟

خلاص احنا نعمل اعلان اللي معاه قرش زيادة يدي للي معهوش
وانت عارف طبعاً في شلة معينة كده معاها وزيادة بس للأسف ساعة الجد كله بيطير بره
************************
أباصييييييري

حمد الله ع السلااااااااااامة يا رامي
وبعدين من غير ما اعمل بوست جديد المفروض كله يتبرع من نفسه ولا لازم احرجكوا يعني ؟

فين طلتك الحلوة دي من زمان .. لسه برده مش فاضي
عموماً مادام بتيجي وتطل خلاص مش مشكلة
وبرده مستنيين البوستات الجديدة بتاعتك
ويارب تكون كويس
سلام
************************
may

رغم انك قلتي انها قافلة من زمان بس كلامك كله تفاؤل وبجد حسستيني ان اللي جاي كله احلى
يارب يكون اللي جاي احلى
ومفيش حاجة مستهلة

نورتيني اوي يا ماي